„Сезона 2024/25“

Беласица оваа сезона ја стартува со Александар Стојанов како тренер и Благој Митев, како негов помошник. Беласица се засилува со неколку млади фудбалери, и тоа: З. Кочанковски, кој доаѓа од Австралија, М. Дебрешлиоски, Е. Мустафа, С. Младеновски, Т. Идриза, К. Стојанов од Брера и Е. Мандак од Брегалница Штип. Беласица ја напуштаат: А. Коцев, П. Гугуљанов, Х. Чукарски, Н. Талески, Д. Михолов, К. Јордановски, П. Јакимов, А. Абази и М. Ахмедов. Беласица ја стартува сезоната со пораз од Арсими, но потоа следуваат 6 последователни нерешени игри. Од 8 коло, Беласица влегува во победничка серија, притоа победувајќи во Богданци, потоа победувајќи го Осогово и на крајот и Скопје. Серијата победи ја прекинува против Кожуф на домашен терен, а потоа Беласица ќе изгуби во Радовиш и на домашен терен против вечниот ривал, Брегалница. Беласица на гостувањето во Велес ја забележува својата трета гостинска победа. Во последното коло губи од есенскиот шампион, Македонија ЃП, а од истиот противник губи на пенали и во 1/16 на купот на Македонија. Беласица ја завршува полусезоната на 10-тото место, со 4 победи, 7 нерешени резултати и 4 порази, со гол-разлика 15:18. Најдобар стрелец е Димче Јовов со 6 гола, пред А. Милушев, К. Капсаров и К. Стојанов со по 2 гола. Сите натпревари ги одигруваат капитенот А. Милушев, голманот Ѓ. Трајков и К. Капсаров. Во зимскиот преоден рок, Беласица направи големи играчки промени. Се врати во Беласица, одличниот Александар Коцев, потоа дојдоа од Кожуф, искусниот Б. Најденов и А. Богданоски, Ж. Крстев од Брера, М. Ѓурчиноски од Победа (Прилеп),... Екипата ја напуштија: З. Кочанковски кој се врати во Австралија, А. Митров отиде во Италија, Е. Мустафа замина во Беса, В. Глигоров во Кожуф, К. Капсаров во Детонит, а М. Љумовиќ во Победа (Прилеп),... Во првото пролетно коло, Беласица губи на домашен терен од силната екипа на Арсими, за да во следното коло убедливо победи со 4:0 против Вардар од Неготино. Беласица иако, поведува на гостувањето во Охрид, губи на крај со 2:1, истото сценарио се случува и на натпреварот со Башкими, во Струмица. Првата пролетна гостинска победа Беласица ја забележува во Прилеп, со голот на Милушев. Потоа, Беласица забележува уште три последователни победи и тоа: првин ја совладува со 3:0 екипата на Новаци, а во гости и екипата на Каменица со 1:2, за на крај убедливо да ја победи со 4:1, екипата на Вардарски. Победничката серија беше прекината со одигрувањето 0:0, во Кочани. Во следното коло, Беласица одигра нерешено против Кожуф во Гевгелија. Со голот на Коцев, Беласица ја победи екипата на Скопје. Во следното коло, Беласица одигра нерешено против Кожуф во Гевгелија. По серијата од седум натпревари без пораз, Беласица доживеа два последователни порази и тоа, дома од Детонит од Радовиш и од Брегалница во Штип. Во последниот домашен натпревар, Беласица одигра 1:1 со Борец, а во последното коло одигра 0:0, со овогодинешниот шампион, Македонија ЃП. Најдобри стрелци во оваа сезона се: Д. Јовов 8, А. Милушев, А. Богданоски, А. Коцев и К. Стојанов по 4 гола.