„Сезона 2016/17“

Во петтата сезона во Третата македонска лига - исток, Беласица конечно успева да се избори за влез во Втората македонска лига-исток. Беласица оваа сезоназапочнувасо Раде Цицмиловиќ како тренер. Беласица се засилувасо повеќе квалитетни играчи: А. Василев, Б. Мариќ, К. Аломеровиќ, Д. Кремчески, К. Џинов...

Беласица ја напуштат: М. Атанасовски, Н. Коцев, Р. Митев, А. Јунузи... Беласица го отвораесенскиот дел со 9 победи и ја забележува и својата најубедлива победа во историјата од24:0, против ФК Конче Бирлик. Првиот пораз доаѓа од најголемиот конкурент, Плачковица во Радовиш. ПротивТиверија првиот натпревар, по една година пауза, го добива Беласица со 2:1, со головите на Б. Истатов и Д. Ѓоргиев.

Од декември 2016 година, на чело доаѓа Васко Георгиев, клубот на крајот успева да се закити со есенската шампионска титула. На 14 натпревари, Беласица забележува 13 победи и 1 пораз, со гол-разлика 66:6. Во зимскиот преоден рок, во Беласица доаѓаат: М. Ташев од Хоризонт, Ѓ. Џонов, К. Тодоров, а тука е и С. Начевски. Беласица отвора со 3 победи, пред да одигра нерешено во Пехчево. Потоа следуваат 7 нови победи, меѓу кои е и победата од 11:0 против Слога од Виница. Во претпоследниот натпревар од сезоната Тиверија ја победува Беласица со 2:1. Оваа сезона Беласицазабележуваимпресивни 24 победи, 1 нерешен резултат и 2 порази, со најдобрата гол-разлика во нејзината историја од 126:14. Прв стрелец на тимот и на лигата е Бобан Мариќ со 38 гола, пред М. Костовски со 28 гола, кој е втор стрелец на лигата и К. Аломеровиќ со 15 гола. Најмногу настапи забележуваат С. Сулев, Ј. Серафимовски и М. Костовски по 24, пред Б. Мариќ и Д. Кремчески со по 23 натпревари.