Беласица оваа сезона ја започнува со Александар Стојанов на клупата, који сѐуште е играч. Од Беласица во Плачковицазаминуваат голгетерот, Ѓ. Лиманов и голманот С. Краљевски, во Силекс заминуваат А. Багашовски и Ѓ. Глигоров, К. Иванов во Турново, по првото коло, во Здравје Радово оди Д. Петров, а по второто коло веќе нема да игра ниту М. Алаѓозовски. Беласица се засилува со: Т. Мижоров и В. Петков од Кожуф, М. Костовски и Л. Грбашлиев од Тиверија, С. Петров од Академија Пандев, голманот Д. Мишовски од Победа Дабиле и М. Донев. Беласица во есенскиот дел забележува 8 победи и 3 нерешени резултати со гол-разлика 32:7. Најдобри стрелци на екипата се: М. Костовски со 13 гола, пред М. Цонев со 6, Т. Мижоров со 5 и Б. Глигоров со 4 гола. Стартниот состав е најчесто: Д. Мишовски на голот, во одбраната настапуваат капитенот Љ. Георгиев, О. Падешки, Л. Грбашлиев и И. Ников (С. Петков), додека во средината играат М. Донев, З. Митевски (Д. Костадинов), Д. Глигоров и В. Петков, а во нападот М. Цонев, М. Костовски и Т. Мижоров. Во март 2015 година доаѓа до промена на претседателското место, наместо Перо Мишовски-Национал, кој е 8 години на чело на клубот, доаѓа Славчо Васков-Пинда. Си оди тренерот, А. Стојанов, кој и се пензионира од фудбалот, на негово место доаѓа С. Петковски, а К. Секулов е негов помошник. Како засилување од Напредок Здравје Радово, доаѓаат: голманот, С. Истатов и К. Чачев, кој ќе е капитен во пролетниот дел. Доаѓа и Д. Василев од Тиверија. Во пролетниот дел во дресот на Беласица, покрај А. Стојанов, ги нема да настапуваат уштеи: И. Ников и Н. Коцев. Беласица во пролетниот дел забележува 10 победи и 1 пораз од Работник Џумајлија. Одлучувачкиот натпревар за шампион се одигрува во претпоследното коло, кога Беласица ја победуваПлачковица во Радовиш со 1:2, со головите на М. Костовски и М. Цонев. Плачковица со Ѓ. Лиманов и С. Краљевски пред натпреварот заостанува само еден бод. Беласица го освојува првото место во Третата македонска лига - исток, а Тиверија завршува на 11-тото место и испаѓа. Беласица на 22 натпревари забележува 18 победи, 3 нерешени резултати и 1 пораз со гол-разлика 66:11. Прв стрелец на тимот е М.Костовски со 27 гола, пред М. Цонев со 12, Т. Мижоров со 9 гола и Б. Глигоров со 6 гола. Беласица ќе игра бараж противПобеда од Прилеп во Ѓорче Петров и првиот дуел го губи со 1:4, а вториот дуел завршува со 1:1. За жал, Беласица и оваа година не успева да се врати во Втората македонска лига.
