„Сезона 2013/14“

На чело на Беласица е пак Тони Ефтимов, кој го предводи тимот во Третата лига - исток. Беласица се засилувасо повратниците од Корзо од Прилеп, А. Стојанов и Ѓ. Лиманов. Од Василево доаѓаат: П. Савевски, Д. Глигоров и Б. Глигоров. Во Тиверија заминува М. Шијаков. Беласица ја започнува сезоната со пораз од 0:4, во 1/16 од купот на Македонија, против вицешампионот на Македонија, Хоризонт од Турново. Беласица игра сигурно во текот на целото првенство, водејќи цело првенство. На голот е искусниот голман С. Краљевски, во одбраната настапуваат Љ. Георгиев, А. Багашовски, Д. Глигоров и О. Падешки, во средниот ред доминира поранешниот младински репрезентативец А. Стојанов, заедно со Б. Глигоров и Ѓ. Глигоров, додека во офанзивата се младите М. Цонев и Д. Петров и искусните М. Алаѓозовски и Ѓ. Лиманов, кој е еден од најдобрите 10 стрелци во историјата на Беласица. Во есенскиот дел, Беласица на 13 натпревари забележува 11 победи, 1 нерешен резултат и 1 пораз од Слога Виница. Беласица ќе е есенски шампион со 3 бодови пред Слога. Во зимскиот преоден рок,доаѓаР. Јанев, а си оди П. Савевски. Во пролетниот дел Беласица епоубедлива и забележува 12 победи и само еден пораз од Тракања во Градско Балдовци. Во последното, 26-то коло, Беласица ја победува второпласираната екипа на Слога 1934 со 4:2. Беласица на крајот убедливо ја освојува титулата, со 70 бодови, односно со 23 победи, 1 нерешен резултат и 2 порази, со гол-разлика 82:16. Зад Беласица, второпласираната екипа на Слога 1934 од Виница ќе заостане со 11 бодови. Најдобар стрелец на тимот и во лигата е Ѓоксен Лиманов со 28 голови, пред Д. Петров со 13 М. Цонев со по 10 и Н. Коцев со 7 голови. Во баражот за влез во Втората лига ќе игра противВардар Неготино, шампионот на Третата лига - југ. Натпреварот сеодигрувана стадионот во Ѓорче Петров, а Беласица губи со 2:1. Единствениот гол за Беласица го постигнува Б. Глигоров.

На првата слика, од лево стојат: С. Краљевски, А. Стојанов, О. Падешки, М. Алаѓозовски, Ѓ. Лиманов, Б. Глигоров.