„Сезона 2012/13“

Беласица по испаѓањето од Втората македонска лига, доживува егзодус, ја напуштаат скоро сите играчи и останува да игра со младинскиот тим. В. Георгиев и П. Стојанов ги завршуваат своите кариери, С. Петковски и Ј. Серафимовски одат во Тиверија, Д. Илиев преминува во лондонски Арсенал, како млад 17-годишен голман. На чело на тимот како тренер застанува поранешниот напаѓач, Тони Ефтимов. Претседател на клубот е Петар Мишовски. Од искусните играчи, по летниот преоден рок, остануваат само голманот С. Краљевски, играчите од средината А. Стојанов и М. Алаѓозовски и голгетерот Ѓ. Лиманов. Од играчите кои остануваат во тимот, второлигашко искуство имаатсамо уште: А. Багашовски и Ѓ. Глигоров. Беласица сезоната ја започнува со натпревар од 1/16 на купот на Македонија, против Силекс и го губи со 1:3. Единствениот гол за Беласица го постигнува младиот и перспективен М. Цонев. Во градското дерби против Тиверија, во рамките на 12 коло, натпреварот завршува 1:1. Почетниот состав на Беласица на овој натпревар е: С. Краљевски, И. Ников, Љ. Ѓоргиев, Р. Адамов, А. Багашовски, О. Падешки, М. Алаѓозовски, А. Стојанов, М. Цонев, Ѓ. Лиманов и Ѓ. Глигоров. Беласица по 17 кола забележува 13 победи, 2 нерешени резултати и 2 порази, со гол-разлика 52:8. Со 41 бод, Беласица е на четвртото место, а на првото место е Василево со 46, пред Тиверија со 44. Во зимската пауза, Беласица ја напуштат и А. Стојанов и Ѓ. Лиманов, кои заминуваат во Корзо од Прилеп. Младинците на Беласица учествуваат на турнирот во Вијареџо, каде сепредводени од Т. Ефтимов и П. Стојанов. Беласица во пролетниот дел со овој млад тим нема да биде конкурентна на Тиверија и на крајотзавршува на 4 место. Во пролетниот дел, Тиверија ја победува Беласица со 3:1. Беласица во последното коло го совладува Карбинци со 9:0 и со тоа ја минува границата од 100 постигнати гола во ова првенство. Беласица на 33 натпреваризабележува23 победи, 3 нерешени резултати и 7 порази, со гол-разлика 102:23. Пред Беласица се Тиверија, која како прва, ќе влезе во Втората македонска лига, Василево на второто и Осогово на третото место.