„Сезона 2002/03“

Беласица во јулскиот преоден рок останува без напаѓачите Љ. Николиќ и Љ. Савиќ, Лазараврски заминува во тимот на Марек од Дупница, а ги нема повеќе ниту Матеничарски, Реч и Поцев. Како засилувања, Беласица ги доведува Танушев и Ахметовиќ, од Турново доаѓаат Киров, Стоилов и Митров, а од Бугарија доаѓаат Д. Велков и В. Јаков. Беласица за прв пат ќе игра во купот на УЕФА, и тоа против португалскиот Лешоеш. Во првиот натпревар во Португалија, Беласица одигрува 2:2, со двата гола на Ахметовиќ. Во вториот натпревар, Беласица губи со 1:2, а единствениот гол го постигнува З. Балдовалиев. Беласица во есенскиот дел игра одлично и за прв пат станува есенски шампион со 10 победи, 6 нерешени резултати и 1 пораз, со гол-разлика 23:15. Балдовалиев е најдобар стрелец со 9 гола, пред Р. Попов со 5 гола, а ќе биде прогласен и за најдобар фудбалер во Македонија. Во зимскиот преоден рок си одат: Ахметовиќ, Колашинац, Атанасов и Алчинов. Како засилувања доаѓаат: Јеловац, Дисиќ, а се враќа Поцев од позајмица. Тимот го предводи Ристо Анчев до 22 коло, а И. Матеничаров му е советник. Од 23 коло, на чело доаѓа Пане Блажевски, клупската легенда, а Ристо Анчев станува негов помошник. Беласица игра и полуфинале во купот против Слога Југомагнат. Беласица во пролетниот дел губи три натпревари и на крајотзавршува втора зад Вардар. На 33 натпревари, забележува 20 победи, 9 нерешени резултати и 4 порази со гол-разлика 50:32. Балдовалиев ова првенство го завршува со 21 гол, како втор стрелец во лигата, зад поранешниот соиграч Љ. Савиќ со 25 гола, а пред В. Георгиев со 17 гола, кој игра во Брегалница од Делчево.