„Сезона 2001/02“

Во преодниот рок, Беласица ја напуштаат најголемите таленти на македонскиот фудбал, Г. Пандев и А. Стојков, кои одат во Интер од Милано. Х. Бегановиќ оди во Слога, Ш. Туна во Куманово, а си заминуваат и А. Филевски, А. Имер, Д. Игњатовски... Беласица се засилувасо повратниците од Саса, Т. Атанасов и С. Петковски, С. Лазаревски од Тенис Берлин, Љ. Савиќ од Ваљево, Д. Александровиќ од Македонија ЃП, а во одбраната доаќа Г. Матеничарски и Б. Богоевски и Н. Синадиновски од Југохром. Оваа сезона, во Првата македонска лига играат 12 екипи, кои по 22 коло се делат на две групи - плеј оф, каде играат првите 6 првопласирани екипи, по два пати меѓусебно. Оваа сезона тимот го предводи тандемот Н. Секулов и Р. Анчев. Н. Секулов го води како главен тренер до 9-тото коло, притоа забележува 6 победи и 3 порази на гостувањата против: Победа, Вардар и Силекс. Од 10-тото коло Р. Анчев е главен тренер, а Н. Секулов помошен тренер. Во следните 8 натпревари од есенскиот дел, Беласица победува 4 натпревари, игра 1 нерешен натпревар против Цементарница и забележува 3 порази. Беласица есенскиот дел го завршува на 4 место со 10 победи, 1 нерешен резултати 6 порази, со само еден бод помалку од Победа од Прилеп. Српскиот напаѓачки двоец, Николиќ и Савиќ, доминира со 15 гола постигнати заедно.

Во зимскиот преоден рок, Беласица го ангажира познатиот играч и тренер Д. Канатларовски, а негов помошник е Р. Анчев. Од Беласица си заминуваат: В. Георгиев во Напредок од Кичево, С. Петковски во Куманово, а си одат и З. Поп Панев, Д. Александровиќ и Н. Синадиновски. Беласица се засилува со Е. Реч од Нови Пазар, а во последните 6 кола од Силекс пристигнува и поранешниот играч на Беласица, П. Стојанов. Беласица стартува одлично со победа прорив Вардар со голот на В. Костов, а победени се и следните три ривала. Беласица по 22 кола е втора зад Победа, а пред Вардар. Беласица во плеј офот ја торпедира Цементарница со 5:0, со по два гола на Николиќ и Балдовалиев. По поразот од Победа, Савиќ со два гола ја носипобедата противСлога. Вардар е совладан во Струмица по втор пат, со голот на Т. Атанасов во 90-тата минута. Потоа следуваат два порази во Скопје.

Во претпоследното коло, Беласица му гостува на Вардар, каде со победа ќе успееше да дојде до титулата. Беласица поведува во петтата минута преку Балдовалиев, но Вардар изедначува во 15 минута, преку А. Бајевски и натпреварот завршува нерешено. Во последното коло, Беласица го победува Работнички, но Вардар ја совладува Слога и станува шампион. Беласица оваа сезона завршувана второто место, со само еден бод помалку. Најдобар стрелец на тимот е пак Љ. Николиќ со 14, пред Љ. Савиќ со 9, З. Балдовалиев со 8 и Т. Атанасов со 5 гола. Оваа сезона Р. Попов е најдобар играч во лигата, а младинскиот тим на Беласица го освојувакупот на Македонија.

Најчесто Беласица игра со овој состав (играчи, стартер+замена/голови):

На првата слика е тимот од првото пролетно коло против Вардар во Струмица, 1:0, стрелец В. Костов 52 мин.

Стојат: А. Алчинов, В. Костов, Р. Попов, Р. Христовски, Љ. Николиќ, Љ. Савиќ.

Долу: И. Поцев, Р. Дориев, Б. Михајловиќ, С. Колашинац, С. Лазаревски.