„Сезона 2000/01“

Беласица по две години пак се враќаво прволигашкото друштво. Предводена од младиот тренер, И. Матеничаров и екстра талентираните 17-годишни играчи Г. Пандев и А. Стојков и амбициозниот претседател В. Таковски, Беласица има амбиции за излез во европските купови. Помошни тренери се поранешните играчи М. Василев и Д. Василев, младинците ги предводи П. Андреев, кадетите З. Тодоров, пионерите П. Пантазиев, а директор на клубот е Б. Тодоров. Како засилувања се враќат поранешните играчи В. Костов од Тиквеш, Р. Дориев од Борец Велес, младиот голман од Вардар И. Златановиќ и Б. Божиновски, З. Поп Панев од Напредок Кичево, Т. Терзиев од Куманово, С. Колашинац од Слога, а доаѓаат и српските интернационалци Љ. Николиќ, Б. Михајловиќ и Т. Глигориевиќ. Од екипата си заминува капитенот Т. Атанасов, кој оди во Саса, М. Иванов во Турново, Р. Атанасов и С. Танев во Тиверија, а си одат и Е. Димитров во Силекс и голманот Г. Стефановски во Борец. Беласица стартува добро во првите три кола и е лидер на табелата со 5 бода, но во 4 коло се случува инцидентот со Вардар, по поразот во Струмица со 0:1, по што екипата влегува во серија лоши резултати. Но, во 7 коло се враќа на победничките патеки со победата во Велес против Борец. До крајот на есенскиот дел, Беласица забележува 6 победи и 1 нерешен резултат во Кочани. Во гости Победени се Македонија ЃП и Слога Југомагнат со голот на З. Андонов. Беласица завршува на 4-то место со 8 победи и 2 нерешени на 13 натпревари. Најдобат стрелец е Стојков, кој постигнува 5 гола, а по 4 гола постигнуваат: Пандев, Туна и Колашинац, а по 3 гола имаат Николиќ и Георгиев. Колашинац ги повредува лигаментите и ќе отсуствува цела пролет, а ќе ги нема ниту Љушев, Терзиев и голманите, Димов и Глигориевиќ. Како големо засилување доаѓа, Х. Бегановиќ од Горица, а исто и на голманските позиции, искусниот, А. Филевски од српски Обилиќ и младиот, А. Алчинов од Работнички. Доаѓа и младиот дефанзивец, И. Поцев од Јака и Д. Игњатовски од Борец Велес. По поразот во 1/4 на купот од Слога Југомагнат 0:1 на домашен терен, пред првото пролетно коло сменет е И. Матеничаров, а на негово место доаѓа Н. Илиевски-Џиџи. Во реваншот против Слога, Беласица одигрува 1:1 што не е доволно за пласман во полуфиналето. Беласица успева во 4 пролетно коло да го совлада Вардар во Скопје, со 1:2, со головите на Стојков во 12 и Николиќ во 60 минута, а Г. Пандев е најдобар играч на натпреварот. А им се одмаздува за поразите во есенскиот дел и на Силекс со 3:1 и на Пелистер со 2:0, со што ги победува сите 13 прволигаши оваа сезона. Борец е победен со рекордни 10:0, а В. Георгиев и Љ. Николиќ и двајцата постигнуваат по 4 гола. Но, по нерешениот натпревар 1:1 во Струмица против Македонија ЃП, Џиџи ќе биде сменет. Вопоследните 4 кола, тимот го предводи поранешната играчка легенда, Т. Георгиев. Беласица во борбата за третото место губи со 1:3, одПобеда во Прилеп. Беласица во последното коло одигрува 0:0 против Слога Југомагнат и завршува на 4 место и останува без влез за купот на УЕФА, а Слога по трет пат станува последователен шампион на Македонија. Беласица јаодигрува најдобрата сезона во независна Македонија со 17 победи и 4 нерешени резултати на 26 натпревари, со гол-разлика 56:22. Беласица најчесто во пролетниот дел игра во состав: А. Филевски, Р. Попов, З. Поп Панев, В. Костов, Ш. Туна, Р. Дориев, Х. Бегановиќ, Б. Михајловиќ, Љ. Николиќ, Г. Пандев и В. Георгиев, а најчести замени се: Р. Христовски, З. Андонов, А. Имер и голманите А. Алчинов и И. Златановиќ. А. Стојков поради повреда игра само на 5 натпревари. Најдобар стрелец во сезоната е Љ. Николиќ со 16 гола, пред В. Георгиев со 9, А. Стојков со 7 и Г. Пандев со 6 гола.

Беласица најчесто игра во овој состав (играчи, стартер+замена/голови):