„Сезона 1999/2000“

* немам стрелци за средбите со Бело Брдо и Карпош (1 и 4 коло), каде Беласица постигнува 12 гола, но се знае од извештајот за полусезоната дека од тие голови, 7 гола се постигнати од Т. Атанасов, кој е најдобар есенски стрелец на тимот со 16 гола.

За Беласица оваа сезона дебитираат Горан Пандев и Аце Стојков, идните играчи на Интер. На чело на клубот, како претседател, застанува Ванчо Таковски, кој ја донесувавтората златна ера на Беласица. Клубот е засилен со враќањето на: Т. Атанасов од Работнички, Ш. Туна, Е. Димитров и А. Имер од шампионот Слога Југомагнат, Р. Атанасов од Тиверија и З. Андонов од Малеш. Од Беласица си заминуваат: В. Георгиев во Малеш, М. Наков во Тиверија, Д. Фетиов, Г. Стојановски, А. Манчев, Т. Мицевски, Р. Трајков... На двојна регистрација се регистрирани Г. Мазнов, Т. Бандулиев и Б. Тимов, кои преминуваат во шампионот Слога Југомагнат, но есента ќе бидат оставени да настапуваат во Беласица. Беласица есентаигра феноменално и завршува на првото место со 13 победи и само 2 порази од Малеш и од Слога од Виница. Најдобар поединец е капитенот Тони Атанасов, кој постигнува 16 гола. А. Стојков дебитира со два гола против Овче Поле,а Горан Пандев дебитира со хет-трик против Металург од Велес. На голот во првите 5 кола е М. Илиев, а потоа ќе брани Б. Тимов, за да биде последните две кола на голот Ж. Гоцев. Тимот е предводен од Р. Панов и Р. Божинов. Во зимската пауза, пак се враќа В. Георгиев од Малеш, а какоголмани се доведуваат Г. Стефановски од Охрид и Димов. Од тимот си заминуваат М. Илиев во Јака, С. Танев во Тиверија, М. Костов во Турново, а Мазнов, Бандулиев и Тимов продолжуваат да играат само за шампионот, Слога Југомагнат. Беласица продолжува да блеска и во пролетниот дел од шампионатот, нижи убедливи триумфи од 8:0 против Дојранско Езеро, на два пати по 7:0 против Бело Брдо и Овче Поле. Локалниот ривал, Тиверија, ќе биде победен со 2:0. На крајот, Беласица со 81 бод и 27 победи и 3 порази, со гол-разлика од 116:19 е убедливо прва. Најдобар стрелци за Беласица се: Т. Атанасов со 23 гола, пред А. Стојков со 20, В. Георгиев со 18, Ш. Туна со 12 и Г. Пандев со 10 гола. Беласица во поголемиот дел од пролетната сезона ја предводи И. Матеничаров, творецот на генерацијата на Пандев, Стојков, Балдовалиев...