„Сезона 1995/96“

Беласица летото останува без И. Ѓузелов и В. Георгиев, кои одат во Силекс, а ги нема ниту З. Трајковски, Д. Хаџиосмановиќ, Р. Атанасов, Пандевски и К. Минков. Двете фудбалски легенди, Р. Панов и П. Андреев, објавуваат дека одат во играчка пензија. Голманот М. Илиев е капитен на екипата. Тимот цела есенска сезона е без спонзор и пари, без услови за работа. Како тренер започнува П. Пантазиев, а негов помошник е П. Андреев, но од 7 коло се враќа Б. Истатов со В. Дрвошанов и А. Трајков. Во 10-тото коло од пензија се враќаат П. Андреев и Р. Панов, за да помогнат да се извлече тимот од дното. П. Андреев ги игра сите 5 натпревари во остатокот од есенската полусезона и потоа се повлекува по 22 одиграни сезони за Беласица, по што е апсолутен рекордер, а исто и по бројот на одиграни натпревари, вкупно 555. Беласица завршува на 13 место со 10 бодови, само две победи против Љуботен и Рудар. Во февруари 1996 г., фирмата ЕТА станува генерален спонзор на екипата. Зимата како засилување доаѓаат: З. Трајковски и Т. Секулов од Турново, а ги нема покрај, П. Андреев, уште и С. Петковски и С. Митров.

Во пролетниот дел Беласица игра многу подобро, забележува 7 победи и 2 нерешени резултати на пролетните 14 натпревари. По победата од 2:0 против ФЦУ со головите на Р. Панов и П. Стојанов, Беласица игра нерешено во Кавадарци со Тиквеш, а дома убедливо го поразува тимот на Осогово со 4:1, кога З. Начевски постигнува два гола, а Р. Панов и Т. Атанасов по еден. Последните 10 натпревари поминуваат во знакот на Б. Беличев кој постигнува 6 гола, а на 3 натпревари ќе е играч на натпреварот. Особено би ги истакнале двата гола за прва првенствена победа над трикратниот шампион Вардар од 2:1. Во последниот натпревар против Саса, на Беласица ѝ е потребен бод за сигурен опстанок, но Беласица игра одлично и победувасо 4:3. Беласица на крајот е 9-та со 9 победи и 6 нерешени резултати од 28 натпревари и гол-разликата од34:38, први стрелци на тимот се Ј. Василев и искусниот Б. Беличев по 6, а зад нив се З. Начевски со 5 и Р. Панов и П. Стојанов со по 3 голови.