„Сезона 1994/95“

Беласица оваа сезона го започнува првенството со тренерите Н. Секулов и А. Трајков. Беласица се засилува со В. Георгиев, кој се враќа од Борец од Велес, повратниците од Тиверија, В. Митев и Т. Секулов, потоа со Ј. Василев и Ј. Тренчовски, а од Победа од Дабиледоаѓаат Р. Атанасов-Џими и С. Митров. Од Беласица заминуваат Р. Дориев во Кожуф, Т. Ефтимов и В. Костов во Победа од Валандово, а К. Илиев се враќа во ФК Дојранско Езеро. М. Јовев игра само на првиот есенски натпревар, а В. Бојчевски на првите два натпревари. По 6 коло, на чело на тимот застанува двоецот Д. Хаџиосмановиќ и Дончо Василев. Под нивно водство, Беласица забележува убедливи победи на домашен терен против Тиквеш 5:2, Љуботен 4:1, Борец 3:0, Кожуф 5:2, а совладан е и фаворитот Силекс 2:1. Беласица освојува 17 бодови на крајот од есенскиот дел. Тимот епредводен од капитенот П. Андреев и неговиот заменик, Р. Панов. Во зимскиот преоден рок од Турново во Беласица преоѓаат: Б. Марков, И. Арапов и Пандевски, а се враќа и К. Минков од Тиверија. Беласица добро ја отвора полусезоната со 3 победи на 4 натпревари. Но по неколку убедливи порази на гостувањата (Слога, Вардар и Тиквеш), доаѓа до тренерска промена и од 23 коло, на тренерската клупа седнува легендата на Беласица, П. Пантазиев. Со победата од 4:0 во Гевгелија, против Кожуф, во претпоследното коло, Беласица го обезбедува опстанокот. За Беласица оваа сезона во стартната постава играат искусни играчи, како: М. Илиев, Г. Стојановски, Б. Беличев, Р. Панов, П. Андреев, Б. Марков, З. Трајковски и Д. Хаџиомановиќ, но и млади надежи, како: И. Ѓузелов, В. Георгиев, Т. Атанасов, П. Стојанов, С. Петковски, М. Иванов и И. Арапов. Беласица на крајот завршува на10-тото место. Беласица постигнува 48 голови на 30 натпревари. Најдобри тројца стрелци се: В. Георгиев со 15, Д. Хаџиосмановиќ со 10 и З. Трајковски со 6 гола.