„Сезона 1993/94“

Летото 1993 на чело на Беласица доаѓа Никола Илиевски-Џиџи, негови помошници се Илија Андреев и Панче Пантазиев, а тренер на голманите е Костадин Костадинов. Летото Беласица ја напуштаат повеќе играчи: М. Даскаловски и С. Гошев одат во Први Партизан од Турново, С. Танев и Н. Танушев во Победа од Валандово, М. Илиев во Единство Пиперево, В. Велков во Победа од Дабиле и Стоилов во Тиверија. Во Беласица доаѓаат браќата Сашо и Горан Караџови од Металург Скопје, Димитковски од Тиквеш и Хаџиосмановиќ, Тасиќ, Османагиќ и Анастасиевиќ. По 9 коло, во Беласица се враќа Благој Истатов, а помошници му се А. Трајков и Н. Секулов. Во првото коло Беласица забележува победа од 4:1, со двата гола на В. Георгиев и по еден на Р. Панов и С. Караџов, а во третото коло совладана е и екипата на Македонија ЃП со 2:0. Во следните три натпревари се забележани три нерешени натпревари, но потоа работите тргнуваат во лош правец. По 15 кола од есенското првенство, Беласица завршува на 12-тото место со само 3 победи, 6 нерешени резултати и 6 порази со гол-разлика 18:29. Најдобар есенски стрелец е В. Георгиев со 5 гола, пред Д. Хаџиосмановиќ со 3 и Р. Панов, С. Караџов и Т. Атанасов со по 2 гола. Во зимскиот преоден рок, В. Георгиев преминува во Борец од Велес, браќата Караџови и Димитковски одат во Тиквеш, В. Митев, Т. Секулов и П. Ристевски одат во второлигашот Тиверија, голманот З. Манев во Победа од Дабиле, Тасиќ во Дојранско Езеро, а си одат и Анастасиевиќ и Османагиќ. Беласица ги враќа: голманот, М. Илиев од Единство, Б. Беличев од Победа Валандово, В. Бојчевски од Турново, Р. Дориев од Тиверија и М. Јовев од Брегалница Штип. Во пролетниот дел оди тешко и во првите 6 кола, Беласица не постигнува ниту еден гол, но сепак забележува четири нерешени исходи, со резултат 0:0. Постот со голови е прекинат во 7 пролетно коло со победата над Рудар од 3:2, предводени од Д. Хаџиосмановиќ,кој постигнува два гола. В. Костов со два гола ѝ донесува победува на Беласица против Победа од Прилеп. Најубедливата победа Беласица ја забележува со победата од 6:0, против Караорман, кога Ефтимов постигнува хет-трик. Во последното коло, Беласица игра 2:2противСилекс. Беласица игра и пријатески натпревар против италијанскиот прволигаш Фоџа. На крајот од сезоната, Беласица е на 12-тото место, со 7 победи, 12 нерешени резултати и 11 порази и гол-разлика од 35:48. Хаџиосмановиќ со 10 гола е најдобар стрелец, пред Георгиев со 5, Ефтимов со 4 и Андреев и Атанасов со по 3 гола. Стандарден дел од одбраната се: Р. Панов, В. Костов, Г. Стојановски, И. Ѓузелов и М. Илиев.