„Сезона 1990/91“

Во летниот преоден рок од Беласица заминуваат: Т. Стојанов, кој по 14 години во Беласица ја завршува својата фудбалска кариера, Г. Стојановски во Борец од Велес, М. Георгиев-Шеки во Вардарски, М. Иванов во Победа од Дабиле, К. Мутовчиев во Италија, Т. Атанасов-Баницата во Турново. Во Беласица доаѓаат: Б. Марков од Вардарски, З. Трајковски од Тиверија, а по 12 коло од ЈНА се враќаат: М. Илиев и М. Црнгаров. Беласица оваа сезона ќе ја предводат Б. Ашиков и Б. Митев, кој летото ја завршува кариерата во Победа од Валандово. Беласица игра одлично во есенскиот дел, ги победува сите 9 домашни натпревари, ФЦУ со 5:0, а Скопје и Овче Поле со по 3:0. Оваа полусезона беше во знак на искусниот М. Василев, кој постигнува 13 гола, а ефикасен е и искусниот центарфор Р. Попов-Думбович со 6 гола. Беласица станува есенски шампиони во Првата македонска лига, на 17 натпревари, остварени се 11 победи, 3 нерешени резултатии 3 порази. Најчест стартен состав во оваа полусезона е: Д. Руменовски, В. Бојчевски, Н. Танушев, В. Костов, М. Даскаловски, М. Василев. С. Танев, П. Андреев, Б. Марков, З. Трајковски, Р. Попов. Најчести алтернативи се: В. Митев, И. Матеничаров, Ј. Василев и М. Алачки. Зимата од тимот си заминуваат: М. Илиев во Брегалница од Штип и М. Црнгаров, а Н. Танушев и З. Трајковски одат во ЈНА, а за првиот тим дебитираат две идни клупски легенди, 16-годишните: В. Георгиев и Т. Атанасов. Беласица во пролетниот дел игра послабо, губејќи 6 натпревари, меѓу кои и од Македонија во Ѓорче Петров со 2:1. Во пролетниот дел најдобар стрелец на тимот е Б. Марков со 7 гола. И. Матеничаров го заменува во средината на З. Трајковски, а В. Митев на бековската позација е сдандарден на местото на Н. Танушев. Беласица на крајот е трета, зад Македонија Ѓорче Петров и Осогово, но сепак влегува во Третата југословенска лига-исток, бидејќи клубовите од Словенија и од Хрватска излегуваат од југословенските фудбалски првенства, за следната сезона,1991/92. Најдобри стрелци на тимот се: М. Василев со 18 гола, пред Р. Попов со 12 и Б. Марков со 11 гола.