„Сезона 1989/90“

Беласица по испаѓањето од единствената Втора југословенска лига ја напуштаат многу играчи. Ж. Савов оди во Раднички од Ниш, З. Митев оди во Шибеник, Б. Беличев и Т. Георгиев во Вардар од Скопје, Е. Менга во Тетекс, Г. Узунов и З. Зајков во Победа од Валандово, Р. Панов и Б. Марков во Вардарски, М. Црнгаров оди во ЈНА, а К. Секулов се пензионира. Тимот го напушта тренерот Б. Истатов, главен тренер останува Р. Божинов, а негови помошници се М. Џртев и А. Трајков. Како засилувања во Беласица доаѓаат: М. Даскаловски од Тетекс, од Тиверија доаѓаат Р. Попов, М. Иванов, В. Митев и К. Минков, а од ЈНА се враќаат И. Матеничаров, В. Костов и М. Алачки. Р. Божинов е тренер првите 13 кола, а по суспензијата, во екипата пак се враќаБ. Истатов како главен тренер. Беласица по 17 кола во есенскиот дел завршува на 11-тото место со 7 победи и 7 порази, а на пеналигуби во трите нерешени натпревари. Најдобрата игра Беласица ја покажува против Бор, кој ќе епобеден со 5:0. Василев со 6 гола и Попов со 3 гола ќе се главните стрелци. Во зимскиот преоден рок, Ване Георгиев преминува во Вардарски, а оттаму во Беласицадоаѓа М. Георгиев-Шеки. Хендикеп за тимот е што во пролетниот дел нема да игра и П. Андреев. Како помошен тренер на Беласица се враќа В. Дрвошанов. Во пролетниот дел, Беласица забележува само 6 победи, кои нема да бидат доволни Беласица да го задржи третолигашкиот статус. Во финишот на првенството се случуваат доста чудни резултати, како што е поразот на Победа во Прилеп од Ц. Ѕвезда од Гнилање. Беласица со 27 бода завршува на 15-тото место, со гол-разлика 29:33. Руменовски брани на сите 34 натпревари, М. Василев со 10 гола е прв стрелец, пред центарфорот Р. Попов-Думбович со 5 гола. Т. Стојанов ја одигра последната своја полусезона во Беласица на позицијата на лево крило, на свои 37 години. Одбранбениот ред најчесто го сочинуваат Г. Стојановски какодесен бек, Н. Танушев и В. Бојчевски како леви бекови, а во централниот одбранбен ред се М. Даскаловски и М. Јовев.