„Сезона 1988/89“

Беласица, со летните квалификации од 1988 и историскиот успех против Бокељ и Трепча, се избори за најголемиот успех во својата историја, односно да игра во единствената Втора југословенска лига - исток. Како засилувања се донесени: Горан Стојановски од Вардар Скопје, Ване Георгиев од Кожуф, Ерџан Менга од Приштина, а Милан Василев се врати од ЈНА. Од тимот заминуваат: Ј. Карајанов од Вардарски, В. Митев, А. Пандев, а К. Секулов го одигрува својот прв натпревар во 16-тото коло. Беласица оваа сезона ја води Б. Истатов, а му помагаат Р. Божинов, М. Џртев и Б. Ашиков. Оваа сезона ФСЈ воведува две нови правила, едното дека ако натпреварот заврши нерешено, ќе се шутираат пенали и екипите да го стартуваат натпреварот со најмалку 3 играчи под 21 година. Беласица стартува со неколку домашни победи од 2:0 против Борац Бања Лука, Сутјеска од Никшиќ и Шибеник. Во вториот дел од есенската полусезона ги совладува и Нови Пазар со 3:1, Борац Чачак со 2:1 и Леотар од Требиње со 2:1. Со Гошк Југ од Дубровник, Беласица лета со авион за Дубровник и одигрува 0:0, а на пенали ќе изгуби. Но, сепак есенската полусезона ја завршува на последното 20-то место со 6 победи, 1 нерешен резултат, 12 порази, со гол-разлика 18:33. За овие резултатипридонесуваат и финансиските проблеми, а и претседателството ќе си даде оставка. За Беласица головите ќе ги постигнат: З. Митев 4, Г. Узунов и Ж. Савов по 3, Е. Менга и В. Георгиев по 2 гола, а по 1 гол постигнуваат: М. Василев, П. Андреев, З. Зајков и Т. Георгиев. Во зимскиот преоден рок, од Тиверија доаѓаат: М. Црнгаров, К. Мутовчиев и Д. Василев. Од екипата си заминува С. Ташев, а К. Секулов одигрува само еден натпревар, додека Т. Георгиев одигрува само три натпревари. Беласица во пролетниот дел најчесто игра во состав: М. Илиев, Г. Стојановски, Т. Стојанов, М. Василев, М. Јовев, Р. Панов, Б. Беличев, П. Андреев, З. Митев, В. Георгиев и К. Мутовчиев, а најчесто алтернативи се: Ж. Савов, З. Зајков, Г. Узунов, М. Црнгаров и Б. Марков. Беласица пролетта ги совладува Пелистер со 2:0, Мачва од Шабац со 1:0, Динамо од Винковци 1:0, Бачка Паланка со 4:0 и Раднички од Крагуевац со 3:1. Беласица на крајот завршува последна со 22 бода од 38 натпревари, со 11 победи, 2 нерешени натпревариизгубени на пенали и 25 порази, со голразлика 34:76. Најдобри стрелци на тимот оваа сезона се: З. Митев и Ж. Савов со по 6 гола, пред Г. Узунов со 5 гола.