„Сезона 1984/85“

На почетокот на сезоната, Пане Блажевски оди во белградски Рад, а Горан Стојменов и Бранко Марков одат во ЈНА во Белград. Ванчо Дрвошанов станува помошник-тренер на Истатов, но понекогаш и настапува, влегувајќи од клупата. Помошник-тренер е и Р. Божинов. Претседател на клубот е некогашниот играч Алексаднар Трендов, додека со младинските категории работат клупските легенди: Томче Ефтимов-Жонглер и Александар Трајков–Чанда.

Во Беласица доаѓаат: Б. Јовановски од РЕК Битола, Узунов од Галеника, Зајков од Победа од Валандово, Руменовски од Тиверија, а од позајмица од Дојранско Езеро се враќаат: А. Пандев и В. Митев. Во финалето на купот на Македонија губат од Пелистер во Битола со 3:0. Беласица во првото коло ја поразува екипата на Брегалница во Штип со головите на новајлијата Б. Јовановски и М. Боев. Беласица по првите 4 кола е прва, а во првите седум кола нема пораз. Во 10 коло, на гостувањето во Битола, се случува кршењето на ногата на првиот голман на тимот, Душко Василев. Во 9 коло од ЈНА си доаѓа Милосовски, а во 11 коло, од ЈНА се враќа Р. Панов. Во 12 коло Беласица ја забележува најубедливата победа од 3:0 против Влазними од Ѓаковица. Во последното коло, против најдобрата екипа во лигата, ОФК Белград, Беласица освојува еден бод со голот на М. Василев. На полусезоната, А. Пандев и Митеви одат во Тиверија, а од Тиверија во Беласица доаѓа В. Алтнов. Беласица во пролетниот дел одигрува дури 8 нерешенинатпревари, а најинтересниот ќе биде во последното коло, против ОФК Белград,шампионот на лигата. Во Белград натпреварот завршува 3:3, со хет-трикот на Г. Узунов, кој со овие 3 гола, ќе има вкупно 6 гола и ќе биде најдобар стрелец на тимот во оваа сезона. Најмногу натпревари одигрува М. Боев - 33, а веднаш зад него со по 31 натпревар биле: П. Андреев и Б. Јовановски. На крајот од сезоната, Беласица завршува на 11 место, со 9 победи, 16 нерешени резултатии 9 порази и освоени 34 бодови и гол-разлика 28:32.