„Сезона 1981/82“

Беласица оваа сезона влегувасо новиот тренер, Василие Шијаковиќ од Белград, а помошник е Благој Ашиков. Во тимот како засилувања доаѓаат: Р. Попов, А. Мишев, В. Милушев и М. Кусиванов, сите од Тиверија. Од Беласица си заминува Р. Анчев во Вардарски, а во ЈНА одиЉ. Мафков. Во ЈНА веќе подолго време сеи: К. Секулов, И. Андреев, А. Мастев, М. Шијаков... Во есенскиот дел, Беласица започнува со 2:2 против Вардарски во Богданци,каде играат Н. Секулов и Р. Анчев. Беласица најубедливата есенска победа ја забележува против Борец од Т. Велес, кој е победен со 4:0 со двата гола на А. Мишев и по еден гол на В. Стојков и А. Пандев. Беласица на крајот на есенскиот дел забележува4 победи, 5 нерешени резултатии 6 порази, со гол-разлика 13:12, а најдобар стрелец е А. Мишев-Џонсон со 3 гола. Беласица во есенскиот дел најчесто настапува во состав: Б. Истатов, М. Кусиванов, Т. Георгиев, В. Дрвошанов (Т. Пецев), Б. Митев, Р. Панов, А. Мишев, М. Василев, В. Стојков (Р. Попов), П. Андреев и Т. Стојанов (А. Пандев). Зимата доаѓа до смена на тренерот, на чело доаѓа Никола Божиќ. Во ЈНА на полусезоната заминува П. Андреев, а Б. Митев по 20 коло. Во Беласица доаѓа десниот бек, Б. Младеновски, а во тимот оваа година игра и Ж. Василев. Пецев ја завршува својата година,заради повреда. Беласица во пролетниот дел забележува неколку убедливи победи. Во 20-тото колого победува Кожуф со 7:0, со по два гола на: Т. Стојанов, М. Василев и А. Пандев и со еден гол на А. Мишев. Во 25-тото коло Беласица го совладува Напредок од Кичево со 4:0, со двата гола на Т. Стојанов и со по еден гол на М. Василев и А. Пандев. Во последниот натпревар пред својата публика, Беласица го совладува и Куманово со 5:1, со хет–трикот на М. Василев и со по еден гол на В. Дрвошанов и К. Секулов. Беласица завршува на 6 место, со 12 победи, 7 нерешени резултатии 11 порази, со гол-разлика 44:32. Најдобар стрелец на тимот е М. Василев со 10 гола, пред Т. Стојанов со 9 гола и Пандев со 6 гола.