„Сезона 1980/81“

Оваа сезона Беласица е предводена од тренерот Р. Божинов, со надеж дека ќе се отиде чекор понатаму по двете последователно освоени трети места. Но, тимот стартува ослабен без голгетерот Н. Секулов кој оди во Победа од Валандово, а К. Секулов по одиграните први 4 натпревари оди во ЈНА. Беласица се засилува со Р. Панов и Б. Гонев, кои доаѓаат од Тиверија, а во тимот се враќа и Б. Тасев од Вардарски. Во есенскиот дел Беласица забележува неколку убедливи победи. Најубедлива победа остварувапротив Металург од Скопје со 7:2, кога Т. Стојанов и В. Дрвошанов постигнуваат по два гола. Саса е победена со 4:0, а 11 Октомври од Прилеп со 4:2. Зимата во ЈНА, покрај К. Секулов,заминуваат и А. Мастев, И. Андреев и М. Шијаков. Во пролетниот дел во првиот тим влегува младиот 18-годишен бек, Т. Георгиев. Во првите три кола тимот го предводи Златко Илиевски, поранешен тренер на младинците на Вардар, а потоа Упрвата на тимот го враќа Ристо Божинов, а на крајот тимот го предводи Благој Истатов како главен тренер, а Божинов како помошник-тренер. Најубедливи победи Беласица забележува против Вардар од Неготино и Тиквеш со по 3:0 и Слога од Скопје со 3:1. На крајот, Беласица завршува на 12 место и во 30 кола забележува 11 победи, 5 нерешени резултатии 14 порази, со гол-разлика 40:36. Шампион е Победа од Прилеп, која во последното коло во Струмица ја совладува Беласица со 2:3.

Оваа сезона најдобар стрелец на клубот елегендата Петар Андреев со 8 гола, пред В. Стојков со 6 и Т. Стојанов, Љ. Мафков и М. Георгиев со по 4 гола.

Најмногу натпревари одигруваатМ.Василев и Б. Митев, по 29 натпревари од вкупно 30 кола. Зад нив со по 28 натпревари се: П. Андреев и Љ. Мафков со 28 и Т. Стојанов со 27 натпревари.