„Сезона 1979/80“

Беласица оваа сезона пак влезе со шампионски амбиции. За нов тренер на екипата е назначен Љубиша Арсеновиќ, а негов помошен тренер е Митко Џртев. Од екипата си заминуваат: Б. Тасев во Вардарски, В. Стоилов во Тиверија и М. Иванов во Единство од Пиперево. Т. Аљоков, М. Почек и К. Костадинов оваа сезона нема да настапуваат веќе за Беласица. Од Тиверија во Беласица се враќа Р. Анчев, а ќе се врати и Поп Трајков, а ќе почнат да играт и младинците: М. Шијаков и Влахов. Во првиот натпревар против Работнички, Беласица ја гледаат 8.000 гледачи. Најубедлива победа остварувапротив Љуботен со6:0, со 4 голови на Мафков. Пред 7.000 гледачи, Беласица на домашен терен го совладува тимот на Пелистер со 1:0, со голот на поранешниот играч на Вардар од Скопје и Тетекс, Нико Секулов. Во есенскиот дел, Беласица најчесто игра во состав: Б. Истатов, М. Василев, Б. Митев (Р. Анчев), В. Дрвошанов, К. Секулов, И. Андреев, В. Стојков (М. Георгиев), И. Андреев, Љ. Мафков (Н. Секулов), П. Андреев, Т. Стојанов. По зимскиот преоден рок, ги нема веќе: Шијаков и Влахов. Во пролетниот дел, најубедлива победа од 5:1 остварува против Вардарски, додека Кожуф е победен со 4:0, со хет-трикот на Н. Секулов. Беласица на крајот од оваа сезона по втор пат последователно завршува на третото место. Најдобар стрелец на тимот е Љ. Мафков со 11 гола, пред Н. Секулов со 10 и В. Стојков и М. Василев со по 6 гола. Најмногу настапи оваа сезона има П. Андреев, вкупно 29 од 30 натпревари, пред И. Андреев и Љ. Мафков со 27 и В. Дрвошанов и М. Василев со 26 натпревари.