„Сезона 1978/79“

Летото 1978 се случува најдобриот преоден рок во Беласица, кога во тимот се враќаат голем број поранешни играчи. Летото во Беласица се враќаат: Б. Истатов (Утрехт), Н. Секулов (Тетекс), В. Дрвошанов, К. Секулов и Б. Митев (Победа од Прилеп), Т. Аљоков и М. Почек (Победа од Валандово), М. Иванов ( Победа од Дабиле), а од ЈНА се враќаи М. Георгиев-Шеки. Од Победа од Валандово, како тренери се враќаатМ. Џртев и Б. Ашиков. Беласица оваа сезона имаше шампионски амбиции и конечно да се влезе во Втората југословенска лига - исток. Но, заради пропозициите, Б. Истатов и Н. Секулов почнуваат да настапуваат од 9 коло, додека Шеки од ЈНА се враќа во 10 коло, а Дрвошанов во 13 коло. По првиот дел, Беласица во 17 кола забележува 9 победи, 2 нерешени резултатии 6 порази. Во двата најдобри тимови на есента на лигата, според тренерите, се избрани: Б. Истатов, Б. Митев, В. Стојков, Н. Секулов и Т. Стојанов. Во зимскиот преоден рок, Р. Анчев оди во Тиверија, а оттаму доаѓа В. Стоилов. Беласица до 30 коло е во игра за шампионската титула, но со поразите во двете последни гостувања, против директните ривали: Пелистер (31 коло) и Победа од Прилеп (33 коло), на крајот завршува на третото место. Победа завршува со 48 бода, пред Пелистер со 47 и Беласица со 45 бода. Беласица во пролетниот дел на 17 натпревари забележува 11 победи и 3 нерешенирезултати и 3 порази. Целиот тим есоставен од играчи од струмичкиот регион.Прв стрелец на тимот оваа сезона беше: Н. Секулов со 19, пред Мафков до 12 и Шеки со 7 гола.Најмногу натпревари одигрува: Т. Стојанов 31, пред К. Секулов со 30 и Љ. Мафков и П. Андреев со 29.

Оваа сезона претседател на управата е Боривое Џртев, а секретар е Семенков, а доктор е Васил Тунев.