„Сезона 1976/77“

По испаѓањето на Тиверија од Првата македонска лига, во Беласица преминуваат: Т. Стојанов, Ѓ. Митев-Банички и М. Дробаров. Од Тетекс, по две сезони, се враќа М. Георгиев-Шеки. Тимот продолжува да го води Гоце Петровски, а негов помошник е Томе Ефтимов. Од Беласица во Тиверија заминуваат: Поп Трајков, Бабамов, Попов и Табанов. Беласица оваа сезонанастапува со многу млада и перспективна екипа, која постигнува одлични резултати. Беласица цела сезона ќе игра на помошното игралиште, бидејќи градскиот стадион „Младост“се реновира. П. Андреев со двата гола против Работнички во Скопје во 9-тото коло ѝ ја донесува највредната победана Беласица. Највисоката победа во есенскиот делБеласица ја забележува против Силика од Гостивар, 6:0, во 12-тото коло. Љ. Мафков со 13 гола е прв стрелец, пред П. Андреев со 5 и Б. Тасев со 4 гола. Беласица најчесто игра во состав: Д. Георгиев, Ѓ. Митев (В. Кљанков), В. Стоилов (М. Секулов), Т. Пецев, К. Секулов, И. Андреев, Р. Анчев, П. Андреев, Б. Тасев, Љ. Мафков и Т. Стојанов (М. Георгиев). Беласица забележува 8 победи, 5 нерешени резултатии 4 порази, со гол-разлика 31:22, со што го освојува 4 место, зад Работнички, Победа и Тиквеш. Во зимскиот преоден рок доаѓа А. Мастев од Тиверија, а повеќе ги нема: Николов, Кусиванов и Божијанов. Беласица пролетниот дел го започнува со нерешен резултат против Победа од Валандово, за која настапуваат неколку поранешни играчи на Беласица и на Тиверија: Т. Аљоков, Р. Данев, С. Вукшан, М. Почек, П. Бинев и М. Карамучев, а тимот е предводен од струмичкиот тренерски двоец, Б. Ашиков и М. Џртев. Беласица игра одлично и пролетта и со победата од 5:1 против ФЦУ во 30-тото коло избива на второто место. Но, на крајот Беласица завршува на 4 место,зад шампионот Работнички, па Победа од Валандово и Пелистер. Мафков е прв стрелец на тимот со 19 гола, а втор стрелец во лигата, веднаш зад Миле Боев од Победа од Валандово.