„Сезона 1974/75“

Ова беше прва сезона во дресот на Беласица на легендите: П. Андреев (17-годишен) и К. Секулов (16-годишен). Летото 1974 Беласица ја напуштаат: М. Георгиев-Шеки, Б. Георгиев-Шкоро и П. Бинев, сите во Тетекс и Т. Аљоков во Победа Валандово.Тренер во есенската полусезона е Ѓ. Георгиев. Сезоната Беласица ја започнува со градското дерби против Тиверија, кое завршува со резултат 0:0. Во четвртото коло, со двата гола на Б. Тасев, ремизира против вечниот ривал, Брегалница од Штип. Беласица, играјќи со млад состав, во есенскиот дел забележува само 2 победи, 8 нерешени резултатии 7 порази. Беласица во есенскиот дел најчесто игра во состав: Д. Георгиев, В. Кљанков (К. Манолев), В. Димитров, И. Андреев, М. Морарцалиев (К. Секулов), Р. Урдинов, М. Босиљанов, М. Чинков (П. Андреев), Б. Тасев (В. Марковски), Љ. Мафков и В. Стоилов. Најдобри стрелци на тимот во есенскиот дел се: Б. Тасев со 5 и М. Чинков со 3 гола. Напролет за тренер доаѓа Јордановски, на местото на Георгиев. Во пролетта за Беласица нема да настапуваат: М. Морарцалиев, В. Марковски и М. Кусиванов. Екипата се засилува со П. Бинев, повратникот од Тетекс, М. Филев од Струмешница од Дабиле, а шанса во првиот тим добиваат и младите: Т. Пецев и Љ. Божијанов. Беласица на стартот го губи градското дерби од Тиверија, но потоа влегува во серија од 5 победи пред домашната публика. На гостински терен, Беласица на седумте гостувања донесувва само 2 бода, против Осогово и против Рудар од Пробиштип. Беласица, пред последните две кола, е во незавидна позиција, да испадне од Првата македонска лига. Последните три екипи испаѓале, а на Беласица,по поразот од Борец од Велес,ѝбилопотребно да забележи две победи. Првин во 33 коло, Беласица ја совладува екипата на ФАС 11 Октомври со 2:0, со двата гола на Љ. Мафков. Во последното коло, Беласица гостува на силната екипа на Охрид. По 13 минути,Охрид водел со 2:0. Но, Т. Пецев во 23 минута намалува на 2:1, а во 26 минута, Б. Тасев израмнува на 2:2. На почетокот на второ полувреме, во 46 минута, Б. Тасев ја доведува Беласица во водство од 2:3 и тој е конечниот резултат. Беласица завршува на 15-тото место, а испаѓаат Вардар од Неготино, Љуботен и Борец од Велес. Љуботен се жали за натпреварот Рудар - Љуботен 2:2, дека има неправилно регистриран фудбалер кај Рудар, со што би го добиле службено овој натпревар. На тој начин, Љуботен би се спасил, а Беласица би испаднала. Цело летотрае неизвесноста, но на крајот не се прифаќа жалбата и Беласица останува во лигата.Прв стрелец на тимот е Б. Тасев со 12 голови, пред Љ. Мафков со 10 и В. Стоилов со 4 гола.