„Сезона 1971/72“

Оваа сезона на чело на тимот доаѓа познатиот српски тренер, Бранко Роксандиќ-Роко. Тимот го напуштаат и одат во Тиверија: Ѓ. Ќучуков, Ѓ. Маринов, Ѓ. Митев, М. Карамучев и Ѓ. Митев. Од Тиверија во Беласица се враќа Н. Секулов, а за првиот тим ќе дебитира Д. Георгиев-Шеки. Најчесто Беласица игра во состав: К. Костадинов, М. Секулов, В. Димитров, С. Вукшан, М. Морарцалиев, П. Бинев, М. Чинков, Г. Георгиев, Б. Тасев, Н. Секулов, М. Џидалов (Р. Данев). М. Чинков, по 12 коло, заминува во ЈНА, а најдобри стрелци на тимот се: Ѓ. Георгиев со 7 гола, Н. Секулов 5 гола и Б. Тасев со 4 гола. Роксандиќ успева во есенскиот дел од сезонатада го одведе тимот до третото место во Првата македонска лига на само еден бод помалку од лидерот, Овче Поле.

Во зимската пауза продолжува подмладувањето на тимот, со внесување во првиот тим на: В. Рингов, С. Грнчаров, А. Грнчаров и Т. Пецев, а тимот се засилува и со: К. Манолев и М. Ѓурчилов. Во Тиверија заминуваат: легендарното крило П. Пантазиев, А. Малинов и голманот Ш. Димитриев. Во пролетниот дел тимот игра послабо, па по поразот на свој терен од Пелистер, во 26 коло доаѓа до смена на Б. Роксандиќ, а три играчи се суспендирани. Нов тренер на Беласица станува легендата Ч. Хаџиски, а негов помопник станува капитенот Ѓ. Георгиев, кој поради повреда ќе мора да ја заврши играчката кариера, на 28 години. Во пролетниот дел, своите два последни натпревари ги одигрува М. Џидалов. Беласица на крајот завршува на 6 место со 30 бодови и гол-разлика 33:27. Први стрелци на тимот се Н. Секулов и Ѓ. Георгиев со по 7 гола. Пролетта, Беласица најчесто стартува со: К. Костдинов, Р. Урдинов, В. Димитров, С. Вукпан, М. Морарцалиев, П. Бинев, Д. Георгиев-Шеки, Т. Аљоков (С. Грнчаров), Б. Тасев, Н. Секулов, В. Рингов (Р. Данев).

Оваа сезона претставува заминување на една генерација извонредни фудбалери, како: П. Пантазиев, М. Џидалов, Ѓ. Георгиев... Оваа сезона во првиот тим влегуваат идните големи ѕвезди на македонскиот фудбал: В. Рингов, Н. Секулов, С. Грнчаров, М. Морарцалиев, А. Грнчаров, Шеки...