„Сезона 1970/71“

Тимот продолжија да го водат Митко Циев и Томе Ефтимов. Во екипата веќе не се: Б. Ашиков, Р. Панчуров и Р. Анчев. Донесени се три засилувања: М. Морарцалиев од Караорман Струга, С. Вукшан и Р. Данев од Тиверија. Беласица на домашен терен игра сигурно и забележува 6 победи, 1 нерешен резултат и 1 пораз. На голот е К. Костадинов, а бекови се Ѓ. Ќучуков и В. Димитров, а во одбраната се: М. Морарцалиев, Ѓ. Маринов, Т. Шумаров и Р. Урдинов, а во офанзивниот дел играт: М. Чинков, С. Вукшан, М. Секулов, П. Пантазиев, Ѓ. Георгиев, Т. Аљоков и М. Џидалов. На полусезоната најефикасни играчи ќе бидат: М. Џидалов, М. Чинков и С. Вукшан со по 4 гола. Беласица завршува на 10-тото место со 14 бодови и гол-разлика 21:27. На полусезоната си заминува тренерот М. Циев и останува сам Т. Ефтимов да ја предводи Беласица. Во тимот се враќа М. Босиљанов. Беласица во пролетниот дел грчевито се бори за опстанок. Во претпоследното коло, Беласица успева да одигра 0:0 против Тиквеш во Кавадарци. А во последното коло, во Струмица гостува директниот конкурент за испаѓање, Вардар од Неготино. Беласица ќе победи со 2:1, а голот за опстанок го постигнува Ѓ. Георгиев во 76 минута. Беласица завршува на 13 место со 27 бодови и гол-разлика 38:42. Прв стрелец на тимот оваа сезона е М. Чинков со 9 гола, пред Пантазиев со 7, Џидалов со 6 и Георгиев со 5 гола.