„Сезона 1969/70“

Оваа сезона Беласица влегува ослабена, бидејќи неколку одлични фудбалери ја напуштаат во текот на летото. Т. Семенков заминува во Брегалница Штип, а А. Трајков, В. Дрвошанов и Љ. Зографски заминуваат во Победа Прилеп, каде голман е Б. Истатов. Го нема ниту искусниот стрелец Р. Котев. Беласица нивното отсуство ќе го замени со ангажирање млади играчи од сопствениот погон, како што се: Р. Урдинов, Ѓ. Митев и М. Карамучев, но и играчи од Тиверија: Ѓ. Маринов и Л. Новаков и Б. Атанасов од Единство Пиперево. Предводник на тимот е Јордан Николов-Бокото, а негов помошник е Митко Циев. Беласица ќе има атомски и искусен напад: М. Чинков, П. Пантазиев, Ѓ. Георгиев, Б. Ашиков и М. Џидалов. Главен стрелец на тимот во есенскиот дел е Ѓ. Георгиев со 11 гола, пред П. Пантазиев со 5 и М. Џидалов со 4 гола. Најдобриот натпревар е против Охрид, кога победува со 4:1, со хет-трикот на Ѓ. Георгиев. Беласица завршува на 9-тото место, со 6 победи, 2 нерешени резултатии 7 порази. Во зимската пауза си оди Бокото и доаѓа Томе Ефтимов-Жонглер, како тренер заедно со М. Циев. На полусезоната, Ѓ. Митев-Банички оди во ЈНА, а по 22 коло додека од војска се враќаат А. Малинов и Т. Аљоков, кои ќе ја засилат Беласица во последните 8 натпревари. На натпреварот против Балкан од Скопје, во 21 коло се случува инцидент, кога судијата е нападнат, а повеќе играчи на Беласица ќе бидат суспендирани по неколку натпревари. Два свои домашни натпревари Беласица ги одигрува во Кочани и во Неготино. На голманската позиција во пролетниот дел се менуваат К. Костадинов и Ѓ. Димитриев, а во одбраната најчесто играат: Ѓ. Ќучуков, В. Димитров, П. Бинев, Ѓ. Маринов и М. Секулов. Најефикасен стрелец во тимот е капитенот Ѓ. Георгиев со 17 гола, пред М. Џидалов и П. Пантазиев со по 7 гола и М. Чинков со 6 гола. Беласица во претпоследното коло го победува Љуботен со 5:0, со што го обезбедува опстанокот во лигата. Беласица на крајотзавршува на 12-тото место со 11 победи, 4 нерешени резултатии 15 порази и гол-разлика 47:51, со само бод повеќе од Охрид, кој испаѓа од лигата.