„Сезона 1967/68“

Беласица оваа сезона ја започнувасо неколку сериозни засилувања. Во екипата се враќаат: Б. Ашиков од Брегалница Штип, М. Џидалов од ЈНА, М. Димков од Работнички, С. Босиљанов од Борец од Т. Велес, В. Димитров од Тиверија, а се реактивира и М. Џорлев. Од екипата заминуваат: Б. Карамучев и Д. Иванов во Тиверија. Начело на Беласица е Момчило Илиќ, а капитен е Томче Ефтимов, на кого ова му е 17-та сезона во Беласица. Екипите во овој период имаат право само на една измена, а воениот рок во ЈНА траел 18 месеци. Беласица првите два домашни натпревари ги игра надвор од Струмица, заради 3-месечното реновирање на стадионот. Натпреварот со Караорман го игра во Свети Николе, а натпреварот со Вардар од Неготино го игра во Штип. Во 8 коло Беласица забележува победа од 10:1 против Борец од Титов Велес. Беласица на домашен терен забележува 6 победи и 1 нерешен резултат, а на гостински терен забележува 2 нерешени резултатии 4 порази во есенскиот дел. Најдобар стрелец е Ј. Петровиќ со 10 гола, пред М. Џидалов и Т. Семенков со по 4 гола. Костадинов брани на 11 натпревари, а Комаров и Босиљанов бранат само на по 1 натпревар. Во зимскиот период доаѓа до тренерска смена, си оди Илиќ, а доаѓа Јордан Николов-Бокото. По 17 сезони, Т. Ефтимов ја завршува својата играчка кариера, а во составот ги нема и Р. Комаров и М. Димков. Од 18 коло во тимот од ЈНА се враќа младиот 21-годишен голман, Благој Истатов, кој до крајот на сезоната ќе брани на 8 натпревари. Од Победа Прилеп доаѓа Љ. Зографски. Во пролетниот дел Беласица игра послабо и забележува 5 победи, 1 нерешен резултат и 7 порази. По 20 коло, Ј. Петровиќ, кој е најдобар стрелец на тимот, почнува да игра на позиција на центархалф. На крајот од сезоната, Беласица завршува на 5-тото место со 26 бодови и гол-разлика 55:38. Најефикасен играч на Беласица е Ј. Петровиќ со 12 гола, пред Т. Семенков со 10 и М. Џидалов и капитенот, Б. Ашиков, со по 7 гола.