„Сезона 1966/67“

На чело на Беласица доаѓа Момчило Илиќ-Мома. Од ЈНА се враќа гокманот, К. Костадинов, од Тиверија доаѓа Р. Панчуров, од младинскиот тимсе приклучуваат на првиот тим: А. Малинов, И. Камиларов и Б. Карамучев. Во тимот веќе го нема искусниот Р. Зафиров. На голманската позиција сѐ повеќе шанса добива К. Костадинов, на сметка на искусниот Р. Комаров. Во одбранатанајчесто настапуваат: М. Џорлев, Р. Панчуров, А. Трајков, Т. Шумаров и Т. Ефтимов. Во нападот ќе се Ј. Петровиќ и Т. Семенков кои даваат по 4 гола и искусниот С. Џорлев, кој ги постигнува своите последни 3 гола во кариерата на натпреварот со Работник од Битола. Беласица завршува на 8 место во есенскиот дел, притоа забележувајќи 5 победи, 3 нерешени резултатии 5 порази, со гол-разлика 17:20. Во зимскиот период, неколку фудбалери решаваат да ја прекинат својата кариера, и тоа: С. Џорлев, К. Христов, М. Ризов, М. Џртев и М. Џорлев. Во тимот, по 18 месеци во ЈНА, се враќа П. Пантазиев. Од Тиверија доаѓа Ѓ. Ќучуков, а за првиот тим почнува да игра 16-годишниот В. Дрвошанов, најмлад играч во лигата. Капитен на Беласица е Т. Семенков, кој продолжува со својата ефикасна игра и со 8 гола е втор стрелец воекипата, а најдобар стрелец на тимот е Ј. Петровиќ со 10 гола. Ќучуков и Дрвошанов, заедно со Шумаров, Ефтимов и Панчуров се новиот одбранбен бедем пред голот на Беласица. Чинков со 5 гола во првенството се наметнува како ново стандардно десно крило. Во последното коло, Беласица го прегазува тимот на Борец од Т. Велес со 5:1. Беласица на крајотзавршува на 6 место со 11 победи, 5 нерешени резултатии 10 порази, со гол-разлика 39:42, а шампион станува Брегалница од Штип со Б. Ашиков и Р. Божинов.