„Сезона 1964/65“

Беласица по големиот успех од минатата сезона, останува без половина екипа. Ѓ. Георгиев преминува во Вардар од Скопје, Р. Стојанов, М. Димков и С. Босиљанов во Работнички, а ветераните, Т. Панов и В. Цветков, во Тиверија. На чело на тимот е Никола Божиќ, а тимот ќе се засили со: Ј. Петровиќ, Б. Пандев, потоа Т. Семенков од Тиверија и З. Сулејманов од Вардар Неготино. Во оваа есен на 17 години дебитира и голманската легенда Б. Истатов, против Љуботен. Беласица ја започнува есенската полусезона со победа против КСК во Куманово, со двата гола на К. Христов. Б. Пандев со два гола учестува во победата над Вардар од Неготино. Пантазиев со два гола помага да се совлада Работнички, а М. Џидалов постигнува хет-трик против Љуботен. Беласица го зазема 4 место со 14 бода и гол-разлила 18:14. Најдобар стрелец е М. Џидалов со 8, пред П. Пантазиев и Б. Пандев со по 5 гола. Минутажата на голот ја делат Р. Комаров и К. Костадинов. Во зимската пауза, Беласица добива засилување во лицето на прославениот голгетер, Славчо Џорлев. Во ЈНА одат К. Костадинов и Д. Иванов. Беласица на три домашни натпревари постигнува по 4 гола. На крајот, Беласица завршува на 5-тото место, со 11 победи, 6 нерешени резултатии 9 порази, со гол-разлика 45:33. Џидалов одигрува феноменална сезона и на крајот завршува со 17 гола, пред П. Пантазиев и Б. Пандев со по 7 гола, а С. Џорлев дава 3 гола.