„Сезона 1963/64“

Беласица оваа сезона се засилувасо тројца играчи од Тиверија, и тоа: Б. Ашиков, М. Џидалов и А. Трајков-Чанда. Во спротивна насока, во Тиверија заминува Д. Трендов. Беласица во есенската сезона игра ефикасно, притоа постигнувајќи 31 гол на 13 натпревари. Пантазиев со два гола во првото коло, против Металец од Скопје, ја започнува својата серија и завршува со 8 гола, во есенскиот дел. Беласица го совладува тимот на КСК Куманово со 5:1 во 3 коло, а Југохром воТетово со 7:0 во 10 коло, со хет-трикот на Б. Ашиков, двата гола на Ѓ. Георгиев и по еден на Р. Стојанов и П. Пантазиев. На крајот од есенскиот дел, Беласица е осма со 13 бода и гол-разлика од 31:22. Во зимската пауза, Б. Ашиков заминува во есенскиот шампион, Брегалница од Штип, а З. Сулејманов во Вардар од Неготино. Во Беласица доаѓаатголманот С. Босиљанов и Р. Ристевски од Вардар Неготино. Беласица во вториот дел од првенството игра поквалитетно и забележува 7 победи, 3 нерешени резултатии 3 порази од КСК, Југохром и Тиквеш. Миле Димков е најефикасен во пролетниот дел, на три натпревари постигнува по два гола. Џидалов игра сѐ почесто на позицијата лево крило и го постигнува и единствениот гол против Пелистер. Со шампионот Брегалница одигрува 1:1 во Штип, со голот на Ѓ. Георгиев. А. Трајков започнува да настапува стандардно во првиот тим, а во 23 коло за Беласицадебитира голманот К. Костадинов. Ова е последната сезона воБеласица за ветераните В. Цветков и Т. Панов. Како прв стрелец на тимот завршува Ѓ. Георгиев со 12 гола, пред М. Димков со 10 и П. Пантазиев со 9 гола. На крајот, Беласица завршува на второто место со 30 бодови и гол-разлика 52:38, само 4 бода помалку од Брегалница.