„Сезона 1962/63“

Беласица по помината една година во Штипски потсојуз, се враќа во Првата македонска лига. На чело на тимот е Јордан Николов-Бокото, а капитен е искусниот центарфор, В. Цветков. Беласица ја напушта Р. Зафиров, а по 15 години поминати во Беласица,се откажува од фудбалската игра М. Панов. Во Беласица постепено младите играчи почнуваат да играат во првиот тим: Ѓ. Георгиев, Р. Комаров, М. Ризов, Р. Стојанов, Т. Шумаров, Д. Иванов,... Од Брегалница Штип се враќа Митко Џорлев, кој претходната пролет игра во Штип, заедно со своите браќа: Славко и Атанас. Р. Стојанов ќе постигне хет-трик во победата од 1:3 во Кичево, против Напредок во 4 коло. Во следното коло, со голот на Ѓ. Георгиев, Беласица минималного победуватимот на Работнички. Во последните 5 кола, сите 7 голови за Беласица ги постигнува П. Пантазиев, донесувајќи му на тимот 3 победии 2 нерешени резултати. Беласица со одличните игри во есенскиот делго освојува второто место со 8 победи, 2 нерешени резултатии три порази, веднаш зад Победа од Прилеп. Најдобри стрелци се: П. Пантазиев со 8 и Р. Стојанов со 6 гола. Во зимскиот дел доаѓа Миле Димков од Осогово, кој заедно со Ѓоко Георгиев се главните стрелци на тимот во пролетниот дел. Од Тиверија доаѓаат: Д. Трендов и З. Сулејманов. Беласица во пролетниот дел има потежок распоред и го расипува пласманот од есента. Р. Стојанов повторно постигнува хет-трик против Напредок, а Ѓ. Георгиев постигнува два гола против КСК Куманово, за победа од 4:0. На крајот од сезоната, Беласица завршува на 6 место, со 11 победи, 5 нерешени резултатии 10 порази и гол-разлика 45:44. Беласица оваа сезона има еден од најдобрите напади во својата историја. Најдобри стрелци на Беласица оваа сезона се: Ѓ. Георгиев со 12 гола, пред П. Пантазиев со 10 и Р. Стојанов со 9 гола. Оваа сезона стандарден голман на Беласица станува Р. Комаров, а одбраната е мешавина од искусни играчи, како Т. Панов и Т. Ефтимов и млади надежни играчи, како: М. Џртев, М. Џорлев, М. Ризов и Т. Шумаров.