„Сезона 1961/62“

Оваа сезона, Беласица настапува во Штипскиот потсојуз, каде игра и Тиверија. Беласица ја совладуваа Тиверија со 2:0, со головите на, В. Цветков и Б. Ангелов. За Тиверија играат: Д. Трендов, Б. Ашиков, Ѓ. Ќучуков, Лазаров, Витанов... Вополусезоната, Беласица е прва со 14 бода, забележани со 6 победи, 2 нерешени резултатии 1 пораз од Малеш, кој е главниот конкурент за влез во Првата македонска лига. Б. Ангелов со 4 гола е прв стрелец. За Беласица дебитираат новите млади надежи на струмичкиот фудбал: Ѓ. Георгиев, Р. Стојанов и Т. Шумаров. Во пролетниот дел, од ЈНА, се враќа и левиот бек, М. Џртев. Во пролетниот дел Беласица е уште поубедлива, го совладува главниот конкурент, Малеш, со 8:0, со 4 гола на Ѓ. Георгиев и хет-трикот на П. Пандазиев, а гол постигнува и ветеранот В. Цветков.

Во 18 натпревари, Беласица забележува 13 победи, 3 нерешени резултатии 2 порази, со гол-разлика 54:11. Пред квалификациите, во Беласица се враќа од Брегалница Штип и младиот десен бек Митко Џорлев. Беласица е шампион и се изборува за квалификации за влез во Првата македонска лига. Противник е Работнички од Велес. Во првиот натпревар, на 19.08.1962 г., Беласица победува со 7:1, со головите на: Ѓ. Георгиев 2, Р. Стојанов 2, П. Пантазиев 1, В. Цветков 1 и Т. Вангелов 1. Во вториот натпревар Беласица губи со 3:0, но сепак Беласица се пласира во Првата македонска лига.

На сликата (преземена од Стара Струмица) од пролетта 1962 година, од лево стојат: В. Цветков, Р. Гошев, Т. Панов, Т. Ефтимов, В. Пипералиев, Т. Шумаров, М. Ризов. Долу од лево: Б. Ангелов, Р. Стојанов, Ѓ. Георгиев, А. Гошев.