„Сезона 1960/61“

Оваа сезона Беласица за прв пат ја предводи тренер надвор од Македонија, тоа е Богољуб Петровиќ. Во првиот тим полекапочнуваат да добиваат шанса и играчи од младинската школа: К. Христов, М. Ризов и Б. Ангелов. Во есенскиот дел Беласица забележува 4 победи и два нерешени резултатина домашен терен, а во гости ги губи сите 5 натпревари. Пантазиев постигнува хет-трик во победата на Беласица над Работнички, за победа од 4:1. Пантазиев со 6 гола е најдобар стрелец на тимот во есенскиот дел, исто толку голови дава и Славко Џорлев, но во дресот на Брегалница Штип. Со истите играчи, Беласица настапува и во пролетниот дел. Пантазиев продолжува со својата голгетерска серија и вкупно до крајот на сезоната постигнува 17 гола со штостанува втор стрелец на лигата, а втор стрелец на тимот е искусниот центарфор Васо Цветков со 8 гола. Најквалитетната игра Беласица ја прикажува против Брегалница од Штип, која ја победува со 7:0. Во последното коло, Беласица губи со 3:1 од Работник од Битола. Беласица завршува на 8 место, со 20 бодови, односно со 8 победи, 4 нерешени резултатии 10 порази, со гол-разлика 40:40. Но, иако според пропозициите екипите од 9-тото место надолуиспаѓаат, сепак и Беласица испаѓа од лигата, иако завршува на 8 место. Тоа се должи на тоа што Пелистер не успева низ квалификации да влезе во Втората југословенска лига, а Победа Прилеп, која е во Втората југословенска лига, испаѓа.

На сликата од лево стојат: Б. Петровиќ, П. Пантазиев, В. Цветков, А. Ушаков, Р. Зафиров, Т. Панов, Т. Вангелов, Т. Ефтимов, М. Панов, М. Калкашлиев, А. Гошев, Љ. Стоилков, К. Харилов.