„Сезона 1959/60“

Оваа сезона Беласица ја предводи Јордан Николов-Бокото. Тимот останува ист од минатата сезона. Во 6 коло, по 10 години активно играње за Беласица, од фудбалот се пензионира Александар Трендов. На овој натпревар со Братство од Гостивар 7:0, кога А. Трендов се простува, за прв пат за Беласица дебитира Митко Џртев. Беласица во оваа есен освен Братство, ги победува убедливо и Прилеп со 7:1, Напредок од Кичево со 9:0 и КСК Куманово со 4:1. На крајот од есенската сезона, Беласица завршува на 6 место со 13 бодови, односно со 5 победи, 3 нерешени резултатии 4 порази и гол-разлика 42:19. Првото место на листата на стрелците на Беласица, со по 8 голови,го делат: Р. Зафиров, А. Трендов, В. Цветков. Беласица во пролетниот дел влегува посилна за Александар (Санде) Гошев и М. Калкашлиев. Но, по првото пролетно коло со идниот шампион, Пелистер (1:0), на 24-месечно отслужување на воениот рок во ЈНА заминуваат младите играчи: Димитар (Митко) Џорлев и Митко Џртев. Беласица го победува Керамичар од Титов Велес со 9:0, а Р. Зафиров постигнува 5 гола. Р. Зафиров е прв стрелец на тимот со 18 гола, пред П. Пандазиев со 13, В. Цветков со 10 и А. Трендов со 8 гола. Одбраната на Беласица во ова првенство најчесто ја сочинуваат: Р. Гошев, М. Џорлев, Љ. Стоилков, Т. Ефтимов, Т. Панов и Т. Вангелов. Беласица на крајот завршува на 4 место, со 28 бода и гол-разлика 68:36.

Слика од есента 1959 година.

Од лево: Д. Џорлев, Т. Панов, Р. Зафиров, П. Пантазиев, Љ. Стоилков, Р. Гошев, Д. Трендов, М. Панов, Т. Ефтимов, М. Џртев, В. Цветков.