„Сезона 1958/59“

Формирана е повторно Првата македонска лига и влегуваат првите три екипи од сите три региони. Од Штипскиот регион влегуваат Беласица, Тиквеш и Брегалница Штип. Беласица оваа сезона влегува без: голгетерот Ѓ. Ефтимов, К. Ефински, П. Караманов и С. Киров. Беласица во првите две кола ја предводи Т. Ефтимов, а потоа на чело на тимот доаѓа Ј. Николов-Бокото. Во пријателски натпревар, наместо првенствен од 7 коло, се случува инцидент на средбата Беласица- Брегалница од Штип, при што Беласица еказнета три месеци да не игра на својот стадион, па домаќин ќе е во Радовиш. Публиката за да ја гледа Беласица оди за Радовиш со автобуси, велосипеди, а некои пешачат и од Струмица до Радовиш. Во есенскиот дел Беласица најчесто настапува во следниот состав: Р. Гошев, М. Панов, Д. Калкашлиев, Т. Ефтимов, Т. Панов, Д. Џорлев, П. Пантазиев, Д. Трендов, В. Цветков, А. Трендов, К. Ќосев, а играат и К. Харилов, Лазаров, А. Ушаков. Беласица завршува на 10-тото место со 9 бодови и гол-разлика 15:26, на 11 натпревари. Прв стрелец еДимитар Трендов-Цацко со 5 гола, пред М. Панов-Митоља и П. Пантазиев, кои имаат по два гола. Во зимскиот преоден рок доаѓа Ристо Зафиров, кој заедно со П. Пантазиев, Д. Трендов и В. Цветков формираат фантастична офанзивна четворка. Питу Гули од Крушево е победен со 6:1, а Караорман со 4:1. Во Струмица губи и Победа од Прилеп, шампионот на Македонија за оваа сезона. Головите за победа од 3:2 ги постигнуваат: Р. Зафиров 2 и В. Цветков 1. Беласица одигрува одлична пролетна сезона и успева да се искачи на 6 место, со 10 победи, 4 нерешени резултати и 8 порази, вкупно 24 бодови, со гол-разлика 42:42. Најефикасен играч е Д. Трендов со 12 гола, пред В. Цветков со 9, Р. Зафиров со 7 и П. Пандазиев со 4 гола.

Во одбраната и во средниот ред, во пролетниот дел играат: Д. Џорлев, Љ. Стоилков, Т. Ефтимов, Т. Панов, Т. Вангелов, М. Панов и А. Трендов, а на голот бранат Р. Гошев-Гулијата и А. Ушаков-Руски.

На сликата од пролетта 1959 г.од лево стојат: Цветков, Вангелов, Харилов, Пантазиев, Зафиров, М.Трендов, Т.Панов, Ефтимов, М. Панов, Р. Гошев, А. Трендов.