„Сезона 1957/58“

По испаѓањето од 4 зона, Беласица ќе се натпреварува во Штипски потсојуз. Чедо Хаџиски ќе си оди од тренерското место, а него ќе го наследи, Коста Ефински, кој во исто време ќе биде и тренер и играч. Нови играчи во составот на Беласица ќе бидат: Д. Трендов-Цацко, Лазаров, Калкашлиев и М.Танчев од Тиверија. Беласица за првото место ќе се бори со Тиквеш и Брегалница Штип. Голгетерот, Васо Цветков во средбата од 6-тото коло против Тиквеш, ќе биде исклучен и суспендиран неколку месеци. Неговото место на голгетер во тимот ќе го заземе, Ѓуро Ефтимов, кој ќе даде есента 14 гола, а во натпреварот против Победа од Титов Велес постигнува 6 гола. Караманов со 4 гола ќе е втор стрелец, а најдобар натпревар ќе му е против Овче Поле, кога ќе постигне 2 гола. Беласица есенскиот дел ќе го заврши на прво место со 16 бода од 11 натпревари, со гол разлика 32:10. Во пролетниот дел, Беласица ќе одигра 8 натпревари, бидејќи последните два натпревари ќе ги добие службено, а Напредок Кочани се откажал од лигата. Во пролетниот дел ќе дебитира за првиот тим, младиот П. Пантазиев, кој ќе стане легенда на клубот. Во пролетниот дел со својата игра ќе се истакне, Д. Трендов, кој ќе постигне 6 гола. Ѓуро Ефтимов ќе заврши со 19 гола, како најдобар стрелец на тимот. На крај, Беласица завршува со 29 бодови на прво место, со исто толку бодови како Тиквеш, а Брегалница Штип ќе има 28 бодови.

Беласица во квалификациите за влез во Втората југословенска лига - исток, ќе изгуби во двата натпревари од Караорман, 2:0 во Струга и 2:1 во Струмица.