„Сезона 1950/51“

По успешните квалификации во Штипската зона есента 1950 година, Беласица се изборила за квалификации за влез во Македонската лига. Во овие квалификации, покрај Беласица, учествувале и Торпедо од Скопје, Борец од Куманово, Братство од Гостивар, Караорман од Струга и Осогово од Кочани. Беласица, иако губи во првото коло во Гостивар, средбата подоцна ја добива службено. Во есенскиот дел Беласица губи од Торпедо и Борец, а победува против Караорман и Осогово. Во пролетниот дел Беласица забележува три убедливи победи, а губи на двете гостувања против Торпедо и Осогово. Беласица завршува на крај на 4 место, со 6 победи и 4 порази, со гол-разлика 32:15 и 12 бода. На првите две места, кои воделе во Македонска лига се квалификуваат ССК (Торпедо) и Борец од Куманово. Беласица најчесто игра во состав: А. Ушаков, В. Андонов, Ѓ. Панов, П. Динков, Митев, Т. Костов, К. Ќосев, И. Николов, В. Цветков, А. Трендов, И. Чулев(ски). Најдобар стрелец во овие кваклификации е В. Цветков со 13 гола, пред И. Чулевски.