„Сезона 1950“

Беласица оваа сезона се натпреварува во третата група на Обласното првенство на Штипската група. Во оваа лига влегува и новоформираната екипа во Струмица - Работник. Покрај двете струмички екипи, има уште пет екипи и овие седум екипи играат по двокружен систем. Беласица на крајот ќе биде прва со 10 победи и 2 порази, со гол-разлика, 50:10. Беласица во овие 12 натпревари најчесто настапува во состав: А. Ушаков, Ти. Ефтимов, Ѓ. Панов-Бели, П. Динков, В. Ловцалиев, М. Трендов, К. Ќосев, И. Николов-Моторетката, Г. Иванов, И. Чулевски, Љ. Стоилков. Беласица потоа настапува во квалификациите каде се натпреварувале трите победници одгрупите во Штипската област: Беласица, Осогово и Плачковица од Радовиш. Беласица и тука ќе е прва со 3 победи и 1 пораз и обезбедува квалификации за влез во Првата републичка лига. Во првата екипа тогаш влегува младинецот, а подоцнежна легенда, Васо Цветков и на 4 натпревари постигнува 7 гола. Најдобар стрелец на тимот е И. Чулев(ски), кој постигнува 11 гола. Оваа сезона, младинскиот тим на Беласица е меѓу 4-те најдобри екипи во младинското првенство на Македонија, а предводници се: Ристо Гошев, Томе Ефтимов, Александар Трендов, Васо Цветков, Кочо Ќосев и Коте Харилов.