„Сезона 1944“

Во есенскиот дел од сезоната 1943, екипите играат пак поделени во две групи. За разлика од пролетниот дел, сега се игра на куп-принцип. Во полуфиналето од дивизијатаБ, Беласица игра против екипата на Љубомир Весов од Петрич. Беласица на првиот натпревар победува со 4:3. За Беласица играат: Д. Лазаров, Е. Ричлиев, Т. Атанасов, К. Џинев, П. Ефтимов, А. Масев, Х. Буралиев, Ал. Белев, И. Костов, К. Ќосев, Ј. Гражданлиев. На вториот натпревар, Беласица нема да отпатува и ќе биде елиминирана. Пролетта 1944 година имаме извештаи од неколку натпревари на Беласица. Според овие извештаи, гледаме дека Беласица пак го победува Љ. Весов од Петрич, додека во Петрич одигрува нерешено. Беласица игра и против Плачковица и против градскиот ривал, Македонија, денешна Тиверија.