„Беласица 1945–1948“

По ослободувањето на Македонија, СД Беласица, која во 1945 година е преименувана во ФД Илинден, повторно започнувасо играње фудбал. Во 1945 година најпрвин Илинден почнува да игра пријателски натпревари со други екипи од овој регион: Тиверија, Кожуф од Гевгелија, Страшо Пинџур од Кавадарци, кој е победен со 3:1... Илинден продолжува со пријателски натпревари и во 1946 година и имаме резултат од натпреварот со Кожуф, кога екипата од Гевгелија победува со 2:0. Во 1946 година е формиран Фудбалскиот сојуз на Македонија. ФД Илинден се вклучува во лигашки натпревари во пролетта 1947 година, кога 25 екипи сеподелени во 5 групи. Илинден (Беласица) ево струмичката група, каде има три екипи. Покрај Илинден, тука сеи Ванчо Китанов од Пехчево и Малеш од Берово. Трите екипи играат меѓусебно по два натпревари во текот на месеците април и мај 1947 година.

Во есенскиот дел од 1947 година се донесува одлукамакедонските екипи да бидат поделени во 4 зони. Беласица во 4. зона игра против: Македонија од Кочани, Ванчо Прке од Штип и Овче Поле од Свети Николе. Победниците од 4-те зони потоа играат за добивање шампион на Македонија, во т.н. Меѓузонско првенство. Илинден започнува со 3:3 во Штип против екипата на Ванчо Прке, за да ја совлада потоа екипата на Македонијанод Кочани со 2:1 во Струмица. Во третото есенско коло, на 14.09.1947 г. игра 1:1 против Овче Поле од Свети Николе. Во овој натпревар Илинден настапува во состав: В. Грчев, Р. Буралиев, Ѓ. Панов-Бели, В. Ловцалиев, И. Николов-Моторетката, В. Николов, И. Ташков, Д. Панов, В. Андонов, Ѓ. Боцинов, М. Годев. Во октомври 1947 г. Илинден учествува во купот на Југославија, наречен куп на Маршал Тито. Вопрвиот натпревар го совладува со 5:0 тимот на Малеш од Берово, а потоа губат 2:1, во Гевгелија против, Кожуф. Пролетниот дел од првенството започнува да се игра во февруари 1948 година. Тимот на Ванчо Прке го добива денешното име, Брегалница од Штип и гостува во Струмица. Илинден победува со 3:0, а составот на тимот има две измени во однос на натпреварот со Овче Поле. Наместо И. Ташков и М. Годев, ќе настапат И. Чулевски и С. Николов. Во составот на Илинден игра и Д. Крстев на натпреварот против Македонија во Кочани, кој Илинден гогуби со 0:2.

Илинден на крајот го освојува второто место, со 3 победи, 2 нерешени резултати и 1 пораз, со 10:7 гол-разлика, веднаш зад Македонија од Кочани.

Илинден учестува и во купот на Маршал Тито и во 1948 година, кога Илинден на 04.07. ја победува екипата на Победа од Валандово со 4:0. Во следното коло, на 11.07., Илинден губи со2:0 од екипата на Страшо Пинџур од Кавадарци. Во младинците на Беласица настапуваат идните првотимци: Т. Панов, К. Ќосев и С. Крстев.