„Сезона 2022/23“

Беласица, по неуспешниот бараж противСкопје, ја напуштаатнеколку проверени играчи: Николоски, Рамани, Трајков, Ангов, Спасов, Јовановски, Давков... Како засилувања, во Беласицадоѓаат голманите С. Митрев и Ф. Купанов, напаѓачот А. Симевски од Слога Виница, П. Петров,Џ. Адили... Оваа сезона се создава единствена Втора македонска лига и повторувањето на успехот од минатата година еуште потешко. Тимот на почетокот го предводи искусниот Шефки Арифовски, а од 4 октомври на чело на тимот застанува поранешниот играч на Беласица, Благој Гуцев. Беласица во есенскиот дел одигрува ефикасно против Борец од Велес со 5:0 и против Тетекс со 4:0. На крајот од есенскиот дел, Беласица има 5 победи, 5 нерешени резултати и 5 порази, со гол-разлика 21:17. Најдобар есенски стрелец е капитенот А. Милушев со 6 гола, пред А. Симевски и А. Коцев со по 4 гола. Во зимскиот преоден рок, А.Симевски оди во Черноморец, С. Митрев во Шкупи, а С. Терзиев во Академија Пандев, а ги нема ниту: Ф. Михаилов, П. Гугуљанов, Џ. Адили, Ф. Купанов и В. Крстев. Тимот го враќа на голот И. Николоски од Воска Охрид, Амедов од Слога Виница и Б. Стојанов од Кожуф. Пролетниот дел на првенството Беласица го започнува со 3 победи, но во следните 12 натпревари игра многу лошо и забележува самоуште 2 победи и 10 порази. Последните 5 натпревари Беласица ги губи. Беласица на крајот од првенството, по 30 натпревари, завршува со 10 победи, 5 нерешени резултати и 15 порази, со гол-разлика 36:47. Најдобар стрелец на тимот е капитенот и лев бек, А. Милушев со 8 гола, пред А. Коцев со 6 гола и Д. Радојчиќ со 5 гола. Најмногу натпревари одигрува З. Митевски 28, пред А. Коцев и В. Коцев со 27 натпревари.