„Сезона 2010/11“

Летото 2010 од Беласица си заминуваат: Ѓ. Танушев во Слобода од Ужице, Б. Коњарски, Т. Пандев... Беласица се засилува со Д. Масев и Р. Христовски од Хоризонт. Беласица тргнува слабо и во првите 7 кола забележува само две победи и 1 нерешен резултат. Доаѓа до тренерска промена и за тренер од 8 коло доаѓаштипјанецот Гордан Здравков. Спортски директор на клубот е Ристо Божинов, а претседател е Перо Мишовски. Беласица ја завршува есенската полусезона на 6 место, со 19 бода и 21:12 гол-разлика. Младите Ѓ. Марков и Ф. Тимов постигнуваат по 5 гола, а Ѓ. Лиманов постигнува 3 гола. Најчесто стартниот состав е: К. Захов, Р. Христовски, Р. Ристов, Т. Јанев, Мар. Донев, Т. Василев, П. Савевски, Ф. Тимов, Ѓ. Марков, Д. Масев и Ѓ. Лиманов. Во зимскиот преоден рок доаѓаат: С. Петковски, П. Божијанов, А. Крстев, М. Алаѓозовски и Гунев, а си одат: Ф. Тимов и Р. Ристов, додека Д. Масев пролетта оди во Кардица во Грција, но по 5 кола пак се враќа. Во 16-тото коло Беласица го победува шампионот одоваа сезона, 11 Октомври од Прилеп, со голот од пенал на голманот К. Захов. Беласица забележува гостинска победа против Охрид Лоте со 2:3, во 19 коло, со двата гола на Ѓ. Марков и Р. Христовски. Во 23 коловогости е победен со 0:1 и директниот ривал за баражот, Миравци, со голот на П. Божијанов. Но, Беласица за малку останува без бараж, бидејќи не успева во последниот натпревар со Локомотива во Скопје да победи и да дојде до 4 место. Беласица оваа сезона ја завршува на 5 место, освојувајќи 43 бодови на 26 натпревари со забележани 13 победи, 4 нерешени резултати и 9 порази, со гол-разлика 39:26.

Во пролетниот дел Беласица најчесто игра во состав: К. Захов, Б. Гуцев, Д. Стојанов, Р. Христовски, С. Петковски, А. Крстев, Т. Јанев, Т. Василев, П. Божијанов, Ѓ. Лиманов, Ѓ. Марков. Најдобар стрелец на тимот оваа сезона е Ѓ. Марков со 11 гола, пред Ф. Тимов и Ѓ. Лиманов со по 5 гола. Најмногу настапи има Т. Василев 25, пред голманот К. Захов 24, Б. Гуцев 22 и Р. Христовски и Т. Јанев по 21 настап.