„Сезона 2009/10“

Беласица во летниот преоден рок ја напуштаат голем број искусни играчи: В. Георгиев, П. Ристевски, Ал. Стојанов, А. Стојановски, Г. Стојановски, М. Цветковски, А. Крстев, Д. Божинов, М. Шишков... Во Беласица како засилувања доаѓаат младите играчи: О. Попчановски од Турново, Г. Јанкулов од Миравци, Михаил Донев, Мицевски, Зафировски... Оваа сезона Беласица ја води легендата на југословенскиот фудбал, Милко Ѓуровски.

Беласица со оваа млада екипае во средината на табелата, а забележува три гостински победи во есенскиот дел, против: Напредок Кичево, Новаци и Влазерими Кичево. На крајот од есенскиот дел, Беласица е 9-та со 5 победи, 2 нерешени резултати и 6 порази, со гол-разлика 15:18. Најдобар стрелец со 5 гола е младиот голгетер, Ѓ. Марков, син на легендарниот играч на Беласица, Бранко Марков. Тој ги постигнува двата гола во победата над Локомотива, додека пак Б. Коњарски постигнува два гола против Влазерими, по што натпреварот е прекинат и регистриран 0:3 за Беласица. Својата афирмацијаоваа полусезона ја стекнуваат и: Ѓ. Танушев, Б. Гуцев, Мих. Донев... Првиот состав на Беласица е во состав: Захов (Т. Пандев), Б. Гуцев, Ж. Јурчевски, Ѓ. Танушев, Б. Коњарски, Т. Јанев, О. Попчановски, Мих, Донев, Ѓ. Лиманов, Мицевски и Ѓ. Марков.

Во пролетниот дел, екипата ја води Југослав Тренчовски. Екипата ја напуштаат: Попчановски, Мицевски, Мискоски, Атанасов, Јанкулов... Во пролетниот дел, голгетерот, Ѓ. Лиманов, со 6 гола ќе помогне екипата да се одржува во средината на табелата. На крајот, Беласица оваа сезона, во Втората македонска лига, го освојува 8 место со 10 победи, 3 нерешени резултати и 13 порази, со гол-разлика 27:40. Прв стрелец е младиот 18-годишен Ѓ. Марков со 8 гола, пред Ѓ. Лиманов со 7 и Б. Коњарски со 3 гола. Сите 26 натпревари ги одигрува само Михаил Донев 26, Б. Коњарски одигрува 24, додека Ж. Јурчевски 23.