„Сезона 1997/98“

На чело на Беласица оваа сезона застанува тандемот Р. Јанушев и Б. Митев. Тимот враќа голем број свои поранешни играчи, и тоа: Т. Ефтимов и Н. Танушев од Пелистер, В. Георгиев од Цементарница, Д. Руменовски, П. Стојанов, Ј. Василев, М. Иванов и С. Танев од Јака Радовиш, М. Наков и Н. Стоев од Турново, а се враќа и голгетерот Зоран Митев. Во фудбалска пензија оди легендата Р. Панов, Г. Стојановски оди во Тиквеш, а заминуваат и Б. Беличев и Б. Марков. За оваа сезона клучен е натпреварот од 7 коло, кога Беласица го победува двократниот шампион Силекс, со 2:1, со двата гола на Т. Атанасов. Но подоцна Силекс се жали во ФФМ, каде главен збор има Љ. Иванов-Ѕинго и го добива натпреварот службено со 0:3, а строго ќе бидат казнети неколку фудбалери на Беласицасо повеќе натпревари суспензија. Беласица завршува на 10-тото место со 3 победи, 3 нерешени резултати и 7 порази. Заради многуте неправилности од ФФМ, Брегалница од Штип се откажува од Првата лига во зимската пауза и остануваат 13 екипи. Во зимскиот преоден рок, заминуваат: Т. Ефтимов во Вардар од Скопје и С. Петковски во Силекс, М. Илиев паузира до крајот на сезоната, а ги нема ни Н. Киров, Р. Христовски и Ј. Тренчовски,кој оди во Тиверија. Од Турново доаѓа Тони Мицевски. Беласица игра во 1/4 на купот на Македонија,но испаѓа од Вардар од Скопје, а истиот тој Вардар го победува во првото пролетно коло со 2:1. Т. Атанасов е прв стрелец во Првата македонска лига, со 12 гола. Тој ги постигнува решавачките голови против Вардар, Пелистер и Цементарница. Пред последниот натпревар во сезоната доаѓа до смена на тренерската позиција и доаѓа Б. Истатов, на местото на Р. Јанушев. Беласица во последното коло гостува во Прилеп, но губи со 1:2 и испаѓа од лигата. Беласица на 25 натпревари забележува 28 бодови со гол-разлика 25:35. Младинците на Беласица оваа сезона ја освојуваат шампионската титула.