„Сезона 1955/56“

По одлуката за расформирање на Првата македонска лига и формирање на 4 зона (со екипи од Македонија, Косово и Јужна Србија), Беласица оваа сезона, по неуспешните квалификации за влез во 4 зона, игра во Штипскиот потсојуз. Екипата ја предводи Чедо Хаџиски-Џингис. На голот на Беласица се менуваат Р. Гошев и А. Ушаков, на бековските позиции се менуваат браќата Панови, Стоилков и Киров. Во централниот одбранбен ред играат, Т. Вангелов, А. Трендов и Т. Ефтимов. Во офанзивниот дел играат: К. Ќосев, П. Караманов, центарфорот, В. Цветков, К. Ефински, К. Харилов и А. Гошев. Беласица во есенскиот дел е на чело на табелата, а забележува само два порази. Во пролетниот дел, Беласица игра многу ефикасно, на 5 од 9-те пролетни натпревари постигнува 5 гола или повеќе. Беласица во лигата со 10 екипи, на крајоте убедлива и забележува 13 победи, 3 нерешени резултати и 2 порази, со гол-разлика 76:20.

Беласица со 29 бода има дури 7 бода повеќе од второпласираниот Кожуф. Тиверија, предводена од капитенот, Ѓуро Ефтимов, е победена два пати од Беласица со 6:1 и со 5:0. Во квалификациите за влез во 4 зона, Беласица се судрувасо Пелистер од Битола. На првиот натпревар во Битола на 24 јуни, Беласица одигрува 1:1, а голот за Беласица го постигнува левото крило, К. Харилов. Во реваншот Беласица победува со 2:1, со головите на Т. Ефтимов и В. Цветков.