Томе Николов

Томе Николов е поранешен играч на Беласица, Тиверија, Малеш и Турново. Ги поминува сите младински категории во Беласица. Дел е од тимот што ќе го освои младинскиот куп на Македонија, во 1993 година. Потоа оди во Тиверија и игра за неа во Втората македонска лига - исток. Летото 1995 година се враќа во Беласица и дебитира во првото коло против Слога Југомагнат. Во оваа сезона, 1995/96, одигрува 22 натпревари и постигнува два гола со Охрид и Саса. Во својата, втора сезона, 1996/97, станува стандарден првотимец и одигрува 24 натпревари покрај: Илиев, Стојановски, Костов, Даскаловски и Панов. И во сезоната кога Беласица испаѓа, Николов игра на 24 натпревари. Есента 1998 година заминуваат со Тренчовски и Георгиев во Малеш. Во јануари 1999 се враќа во Беласица и игра пролетната полусезона. Дел е од одбраната (игра на 24 натпревари повторно), на тимот на Беласица кој во сезоната, 1999/2000, ќе ја освои титулата и ќе се врати во Првата лига. По враќањето во Првата лига, Николов учествува во 9 натпревари во сезоната 2000/01, кога Беласица е четврта. Есента 2001 година ќе ги одигра своите последна два натпревари во дресот на Беласица против Цементарница и Куманово.

Вкупно за Беласица одигрува 110 првенствени натпревари во 7 сезони и постигнува 5 гола.

Следна дестинација му е второлигашот Турново, каде игра во следните три сезони. Со формирањето на Академија Пандев, во 2010 година, Николов во следните 10 години бил дел од тренерскиот тим, во младинските категории.