Мите Николов

Мите Николов, лев бек на Беласица и Тиверија од седумдесетите години. За Беласица има одиграно 70 првенствени натпревари во 5 сезони и постигнато 1 гол.

За Беласица дебитира во октомври 1972 година, против 11 октомври од Прилеп. Го заменува на левата бековска позиција, В. Димитров, кој оди во ЈНА. Вкупно во сезоната, 1972/73, настапува на 22 натпревари. Во следната сезона, 1973/74 игра на 23 натпревари, во одбраната составена од: Б. Георгиев (Д. Георгиев), И. Андреев (Манолев), Николов (Димитров), Урдинов, А. Грнчаров (Морарцалиев), Бинев. Есента 1974 година игра на 3 натпревари за Беласица. Следната есен, 1975 година игра на сите 17 натпревари во одбраната составена од: Д. Геоергиев, В. Кљанков, М. Николов, И. Андреев, К. Секулов и Т. Пецев. Во последниот натпревар од есенската сезона го постигнува единствениот гол против 11 октомври од Скопје. Есента 1976 година, ги игра првите 5 натпревари во сезоната и тоа се негови последни во дресот на Беласица. Последниот е во септември 1976 година во Охрид. Потоа оди во ЈНА. Се враќа пролетта 1978 година, на фудбалските терени, но сега во дресот на Тиверија. Во сезоната 1978/79 игра во одбраната на Тиверија во состав: Димитриев (Сиљавски), Тр. Стојанов (Клесов), Николов, Божијанов (Бинев), Митев и Панов. Ќе игра заТиверија се до 1983 година.

Син е на струмичката фудбалска легенда, Илија Николов - Моторетката.