Мите Калкашлиев

Мите Калкашлиев е поранешен фудбалер на Беласица, од крајот на педесеттите години на минатиот век. За прв пат го среќаваме во составот на Беласица, во сезоната, 1957/58, кога Беласица игра во Штипски потсојуз. Во следната сезона, Беласица и Калкашлиев играат во Првата македонска лига. Во есенскиот дел од оваа сезона, 1958/59, Мите игра стандардно на позицијата лев бек. Во сезоната, 1959/60, Мите се враќа во пролетниот дел, одигрувајќи 9 натпревари. Во сезоната, 1960/61, Мите настапува на 21 од вкупно 22 натпревари. Во дресот на Беласица одигрува 4 сезони и настапува на околу 50 првенствени натпревари.