Милчо Ризов

Милчо Ризов е поранешен фудбалер на Беласица од 60-тите години на минатиот век. Ризов дебитира за Беласица против Металург во Скопје во октомври 1960 година. Есента 1961 година игра за Беласица во Брегалничкиот регион и помага Беласица, пак да се врати во Првата македонска лига. Во сезоната 1962/63, само Ризов и Т. Ефтимов ги играат сите 26 натпревари во сезоната на халфовските позиции. Во следната сезона, Беласица е втора во Првата македонска лига, а Ризов игра на 19 натпревари во одбраната во состав: Р. Комаров, Д. Џорлев, Д. Џртев, М. Ризов, Т. Панов и А. Трајков. Во сезоната 1964/65, на 25 натпревари постигнува 2 гола против Борец од Велес и Металург од Скопје. Следната 1965/66 е последна негова цела сезона во Беласица и одигрува 24 натпревари и го постигнува својот последен гол во дресот на Беласица против Пелагонија во Битола. Есенската 1966 полусезона е неговата последна сезона, ќе настапи на 5 натпревари, а последен е против Вардар од Неготино. Во зимата 1967 година одлучуваат со Д. Џртев, С. Џорлев и К. Христов да ги прекинат своите кариери.

Вкупно за Беласица ќе настапи во 7 сезони и ќе одигра 117 натпревари и ќе постигне 4 гола.

Ризов ќе има и тренерска кариера во Беласица, првин во кадетските категории, а во сезоната 1971/72 ќе е и помошен тренер. Подоцна ќе биде тренер и на тимот Кукла од Куклиш.