Бранко Марков

Бранко Марков, офанзивен играч на Беласица, кој има играно во 11 различни сезони за Беласица, во периодот од 1983 до 1998 година. Вкупно има одиграно 111 лигашки натпревари и постигнато 27 голови.

Дебитира за Беласица на 17 годишна возраст во октомври 1983 година во натпреварот против Трепча од К. Митровица во Втора југословенска лига - Исток. Во таа прва сезона одигрува вкупно 8 лигашки натпревари. Следната 1984/85 заедно со Стојменов заминуваат во ЈНА. Се враќа во сезоната 1985/86 на натпреварот со Рад од Белград и ќе го постигне првиот свој гол за Беласица. Интересно е дека и вториот свој гол ќе го постигне против Рад во пролетниот дел, но сега во Белград. Во есенскиот дел 1986 година игра на 9 натпревари најчесто како замена. Во сезоната 1987/88 постигнува 5 голови и тоа по два на Слога Виница и Индустријалец од Ѓорче Петров. Во 1988/89 настапува за Беласица во единствената Втора југословенска лига и постигнува 3 голови. Летото 1989 година со Р. Панов преминуваат во Вардарски од Богданци и ќе има успешна сезона. Летото 1990 повторно се враќа во Беласица и ја одигрува својата најдобра сезона (1990/91) во Беласица со 31 лигашки натпревар и 11 постигнати голови. Во 1992 година ја напушта Беласица. До декември 1994 ќе настапува во Турново. Пролетната сезона, 1995 год, ја поминува во Беласица и ќе постигне 3 гола. Во сезоната 1995/96 настапува на 5 лигашки натпревари. Летото 1996 година пак се враќа во Турново и на 9 натпревари, постигнува 1 гол. Летото 1998 пак се враќа во Беласица. Негова последна полусезона во Беласица е есента 1998 година. Последниот гол го постигнува со Овче Поле, а последниот лигашки натпревар е со Брегалница Штип во октомври 1998 година.

По завршувањето на играчката фудбалска кариерата, ќе остане во фудбалот како тренер. Неговите синови Ѓорѓи и Александар, исто така играа за Беласица.