Алекса Пандев - Леце

Алекса Пандев - Леце, офанзивен играч на Беласица,кој настапува за неа во периодот од 1981 до 1988 година. Настапува вкупно на 64 лигашки натпревари во 7 различни сезони.

Пандев дебитира во април 1981 година против Вардар од Неготино, на свои 18 години, а првиот гол го постигнува два месеци подоцна, на натпреварот со Тиквеш во Струмица. Следната сезона (1981/82) е најуспешна за него, настапува на 20 лигашки натпревари и постигнува 6 голови, со што е трет стрелец на тимот. На средбата со Кожуф постигнува два голови. Во шампионската сезона,1982/83, настапува на 17 лигашки натпревари. Есента 1983 година настапува на три натпревари во Втората југословенска лига - Исток, по што пролетта 1984 година настапува за Дојранско Езеро, заедно со Мафков, Оздоленовски и В. Митев. Есента 1984 година повторно настапува за Беласица на 6 натпревари во Втората југословенска лига. Сезоната 1985/86 ја поминува во ЈНА. Есента 1986 се враќа во Беласица и игра на два натпревари, за да напролет 1987 година, заедно со Стојменов заминат во Вардарски од Богданци. Есента 1987 повторно се враќа во Беласица и настапува на 10 лигашки натпревари. Својот последен гол за Беласица го постигнува против Охрид (есента 1987), а напролет 1988 година против Охрид го игра и својот последен натпревар за Беласица.

Загинува во авионска несреќа, 1993 година, на само 30 годишна возраст.

Во неговото родно Зубово,во периодот 1994-2009 година, секој февруари се одржува меморијален турнир "Алекса Пандев - Леце", во негова чест. На турнирот во 16 изданија учествуваа екипите на: Тиверија (6 пати победник), Беласица (2 пати победник), Малеш (2 пати победник), Брегалница Штип, Вардарски, Победа Валандово, Рудар Пробиштип, Турново, Дојранско Езеро, Струмешница Зубово, Младост Сушица,...